شرح طريقة سلة مكرامي كما وعدتكم

[جويدة2]

المشاركة الأصلية كتبت بواسطة جويدة2

السلام عليكم و رحمة الله و بركته .

شوفو اخواتي هده هي مراحل السلة

اولا الاطار راه معمول من السلك لننشرو عليه الملابس لكن يكون لا يصدا يعني بدرجة ميصددش موجود عند بائعي الخردوات

تحتجي 03 قطع يعني مش بزاف 01متر اواقل تحكمي السلك تقطعي طبعا قطعة وتحولي تعملي منها دائرة غيرتعوجيه بيديك بشوي و تحولي تلفيه كما الدائرة راه مش يابس غير بيدك يتقوس و يتشكل من بعد حولي تقربي الاطراف و تبتيهم بشريط لاصق وهكدا تكوني عملتي قاعدة للسلة

تم زيدي قصي طعة اخرى اكبرو قوسيها كما ختها وهده طبعا وجه السلة اما القطعة الثالثة تكون قد القطعة الكبيرة لكن نقوسوها نصف دائرة ونتبتوها من الجهتين في الدائرة الكبيرة وسوف تمثل يد السلة هده البداية و اليكى الصور بش تتوضحلك العملية.

هاو ليك السلك القطعة المبينة بسهم الاحمر هي للصقت الطرفين بشريط اللاصق او scotche هده الصورة خاصة باطار القاعدة بعد دلك غلفيه بخيط المكرامي يعني عادي تلفي عليه الخيط كما الصورة التانية بالنسبة لوجه السلة سوف اضع الصور في الليل


بعد التغليف


نكمل دائما مع القاعدة مبعد معملنا الاطار و لصقناه و غلفناه بلخيط نعملول شبيكة و هي عبارة عن شبكة العنكبوت

نعملوها بخيط واحد يعني على فرد مش متني و يكون طويل نحاول نلفو فوق السلك ثم نمرره من تحت بعد دلك يمر فوق الخيط السابق ثم نترك مسافة و نعيد نفس العملية حتى ننتهي من كامل الدائرة

السطر التاني بنفس الخيط نحاول ان نعمل عقدتين و دلك بلف الخبط مرتين في نفس المكان فتنتج لديناالعقدة المبينة في الصورة نترك الفراغ لبعدو منعملش فيه العقد بمعنى فراغ نعقد فيه و التالي نتركو وهكدا حتى نخلص السطر
السطر التالت الفراغ لتركناه في السطر التاني نعقد فيه و لفيه العقدة نخليه فارغ يعني عكس السطر لقبلو وهكدا

لما تعملي سطرين او ثلاتة بنفس الطريقة ريحة تصغار الدائرة تعودي تعملي العقد في كامل الفراغات وهنا تتغلق الدائرة و تتحصر يعني ميعودش يبان الفراغ كتدخلي للوسط قطعي الخيط الزائد و حرقية وتبتيه راقبي الصور جيدا و ستفهمين انشاء الله

راني نحاول نشرح على قد منقدر واي اسئلة ساجيب عنها سمحوني برك شوي على التاخير لان الاولاد في فترة امتحانات لكن اعدكم سنكمل كل الخطوات و تعودو تقدرو ديرو السلات اشكال و الوان لانه هده هي الاساس وساريكم كل الحيل التي استعملت في صنع السلة و التي طبعا انا عنيت باه لقيتها لاني مبتدئة زيكم و ماش رايح نخلكم تتعبو فيها مثلي اصبرو برك و غدا نكمل الدرس مع وجه السلة

ليلتكم سعيدة تمنيتي لكم بتوفيق

صورة اخرى للقاعدة