السلام عليكم .كاين ناس الله غالب عليهم خرجو للشارع لظروف قاهرة و هاذو والله يغيضو لانو مالقاوش الي يتكفل بيهم ممكن عناو من مشاكل كبيرة و ضغوطات كبيرة ممكن تكون اجتماعية نفسية و حتى الصنف الي رانا نحكو عليهم في موضوعك يا عبد الشافي ممكن كون الواحد يقرب ليهم صح يلقاهم ضحية لظروفهم لانو حنا تبانلنا انو اسبابهم واهية و ماشي مقنعة مي ممكن هذا الشخص قال هذا السبب التافه لانو ماراهش باغي يهدر على الشي الي خلاه يخلي والديه و دارهم .المشاكل و الكبت و الضغوطات الي راه كل واحد فينا راه عايشها اذا الانسان مكانش انسان واعي و عندو ناس يخممو فيه و يخرج القلق ممكن يتصرف تصرف طائش و في اي وقت و في جال سبب تافه و كيما يقولو الضغط يولد الانفجار .كاين ناس ماتقدرش تواجه مشاكلها فتستعمل الهروب للشارع كحل نهائي .الانسان لما يوصل لمرحلة القنوط من رحمة ربي مايولي يشوف قدامو والو و مادامو خمم خرج للشارع راه باع كلشي و ماعندوش علاه يخاف و هنا ممكن يدير اي حاجة لانو الي يخاف عليه راه خسرو.ربي يجيب الخير
( تقرير عن مشاركة سيئة )، و الموجودة أسفل كل مشاركة .
2013-05-08, 17:43
العرض الشجري