واش طيبتي اليوم الجزء السابع

[مرام 1987]

المشاركة الأصلية كتبت بواسطة أم إياد أحمد أمين

عزيزتي ماري بصحتكم الطنيجرة نتاع الفخار

عزيزتي اسمحيلي نجاوبك
فرغي فيها ساشي حليب و حطيها على النار حتان يغلي مليح الحليب و من بعد طفي و خليه يبرد و أغسليها و طيبي فيها واش تحبي



جربيه عزيزتي راهو روعة صح بإذن الله ما راحش تندمي

مشكوووووورة حبيبتي ام اياد اني قلت لماما على الطنجرة باه تغلي فيها الحليب ياخي نشربوه عادي وكي نحط فيها الحليب نحطها فوق الكويزينيار عادي ياخي ماتتكسرش ومن بعد كي نوليو نطيبو فيها ياخي ما تتكسرش

[*بيتي مملكتي*]

المشاركة الأصلية كتبت بواسطة أم محمد تاج

حبيبتي حتى أنا تمحاتلي من الغسيل علاه سقسيتك عليها على خاطر طيبلي كلش علكيف غير المسكوتات وأنواعها تهبطلي نصفها والنصف يطلع روعة مافهمتش في دار بابا ولا عند خاوتي في ديارهم المسكوتة والله ماشاء الله بصح في داري تفسدهالي لكويزينيار إذا عندك نفس المشكل قوليلي ربي يعيشك

أم محمد أنا كان عندي نفس المشكل في الكويزينيار نتاعي نوع كريستور لقيت بلي الأرضية اللي حاطة فوقها الكويزينيار عالية من بلاصة و واطية من بلاصة لخرى وليت درت تحتها قطعة خشب بحيث حجمها يوازن الأرضية
و الحمد لله ما ولاتش تتنفخ من بلاصة و تنفش من لخرى

المشاركة الأصلية كتبت بواسطة mary1987

مشكوووووورة حبيبتي ام اياد اني قلت لماما على الطنجرة باه تغلي فيها الحليب ياخي نشربوه عادي وكي نحط فيها الحليب نحطها فوق الكويزينيار عادي ياخي ماتتكسرش ومن بعد كي نوليو نطيبو فيها ياخي ما تتكسرش

صراحة عزيزتي الحليب اللي نطيبوه فيها ما نشربوهش لأنو ممكن تطلق فيه البنة نتاع الفخار

و طيبي فيها فوق لكويزينيار عادي حبيبتي و حطيها فوقو عادي راهي ما تتكسرش