اقتباس:
المشاركة الأصلية كتبت بواسطة ام اماني77
اهلا اختي الغالية ام مهدي
انا ننصحك اعملي التشاراك المسكر بالعجينة السحرية راه يذووووب في الفم بزاف اخوات جربوه وعجبهم
هذا الحلوى تجي باللوز احسن وراه مايديش اللوز يعني ممكن كيلو لوز تعملي بيه حلوى نتاع العرس واذا ماقدرتيش اعمليه بالكاوكاو
اليك قاطو النيسكافيه دريه وعينيك مغمضين هاااايل
250غ زبدة+نصف كاس سكر رطب+بيضة+م ك ونصف نيسكافيه مذوبة في القليل من الماء+م ك ونصف كاكاو+فاني+نصف باكي خميرة+نصف كاس نشا وتلمي بالفرينة
بالنسبة للكريمة:
100غ زبدة+م ك كاكاو+
م ك نيسكافية مذوبة في القليييل من الماء+ 3 م ك سكر ناعم+2 م ك عسل
تعملي العجينة كيما الصابلي لميها بالفرينة بلا ماتعجنيها باه تجيك تذوب في الفم
ابسطيها بالحلال وشكليها انا عملت شكل قلب المهم رقيها شوية راه تتنفخ والطابع اعملي الصغير باه يجيك شباب وزكمية مليحة
حضري الكريمة بخلط المقادير
بعد ماتبرد الحلوى الصقي بالكريمة
ذوبي الشكولة في حمام مائي
اغطسي الحلوى من فوق فقط وحطيها تقطر على مشبم
بعد ما تجمد الشكولة زينيها بلابات داموند اعملي وردات وبريون
اي سؤال انا في الخدمة
|
ربي خليك ويفرحك اختي ام اماني ويفتح عليك اي باب من ابواب كيما فرحتيني راهو كلشي مفهوم ان شاء الله نديرهم
سؤال على لابات داموند كفاه انت تخدميها وراح تلصق فوق الشكولا وهي جامدة؟؟؟؟؟؟ انا جامي خدمت بيها
وبالنسبة للتشاراك المسكر انت خدمتي بالكيلة واش من كيلة نديرها ؟؟
وتاني سؤال على لاجولي كفاه تسخنيها انا استعملتها فالخطبة تاع اختي وعادت تلصق ومعلكة مفهمتش علاه ممكن تقوليلي كفة تستعمليها
اسمحيلي كثرت عليك
( تقرير عن مشاركة سيئة )، و الموجودة أسفل كل مشاركة .
2013-05-05, 14:39
العرض المتطور
