أختنا مريم بحاجة الى دعائنا

[مريم الصابرة]

السلام عليكم
عندي ساعات نحاول نحط رد النت راحا نعلق روحي
واش راكم كامل قريت ردودكم وما قدرتش نرد على كل واحد منكم راني نكتب بيد إسمحولي
خويا عبد الشافي عقابك راح يكون عصير إستنى برك نجيك للثانوية وندخل لحصتك وعد مني
بالنسبة لمبادرتكم شكرا وبارك الله فيكم كامل بكيتوني وعرفت راه عندي خواوة وخوتات بزاف ويحسدوني عليكم ربي يخليكم
انا والله ما نحب نكلف واحد منكم الدنيا راهي معمرة هموم وكل واحد مسؤول على عائلة وأولاد واهل وما نحبش نسبب إحراج لأاي واحد منكم شكرا على مبادرتكم إنتوما عاونتوني وسبق وعاونتوني وهذا يكفيني
كل واحد بإسمو ربي يجازيكم بنات وشباب وأختي ام يحي فعلا شكرا من اعماق قلبي عاونتيني والطبيب هذاك روعة أخلاق وفي كل شي نرتاح لما نحكي معاه
أمر يدي ما كنتش نستنى فيه نهائيا رقدت نضت نلقى يدي ما تتحركش والمصيبة الألم قوي بزاف قلت ممكن كسرتها بلاما نفيق لكن الطبيب قال المرض تنقل ليديك وممكن يتنقل لأماكن اخرى دعاءكم ليا نرتاح كان بالشفاء او بالموت فالموت راحة ما نخافش منها هكذا نرتاح خير من العذاب
رجاء فقط اخي عبد الشافي فاصي إسمي من الموضوع راك عارف السبب
بالنسبة لمبادرتكم لو شورتوني نقولك اكيد لالا لانو الناس بهمومها ما نزيدهمش انا
شكرا للجميع قد ما ندعيلكم قليل فعلا راكم اهلي شكرا