تركته......من اجل الله

[محمد...عبد النور]

السلام عليكم أختي كريمة118
ربي يبارك فيك و يعوضك بكل ما فقدتي و يفرحك دنيا و آخرة
و الله فعلتي الصواب، أي حب وأي مسمى يسمى هذا الفعل
الزواج باين و غيره من الامور أدناها أنها سبيل من سبل الشيطان و خطوة من خطواته التي تردي المرئ و تثنيه و تصده عن جادة الصواب
و مما يدمي القلب هو صديقتك .....عفوا عدوتك التي تضمر الشر و تزين لك المعاصي و تظهرها في أجمل حلة
، تقدم لك السم الناقع و الزؤام في صفة الترياق و الدواء الشافي
هي العدو فإحذريها و توكلي على الله الكريم

أختي كريمة لي درتيه هو الصح ، خطيك من هاذي الصاحبة و الله المرة الاولى يورولك غير الحاجة الزينة و من بعد يورطوك في الحرام و واش من حرام ،العار و ما ادراك ما العار
لكن ربي راه معاك و ربي و الله ما يضيعك
نتي راكي درتي حاجة مليحة كمليها و مشي مع صحابات ملاح و خاطيهم خطيان الطريق
و الله يكذب عليك لي يقولك نبغيك وووووووو
لي يبغيك و الله ما يشوه سمعتك و الله يخليك نقية كي الحليب و يديك من دار أهلك
غيره يكثر الكلام الحلو و يزين لك كل الامور ، كل شيئ عنده نورمال و ماعليش و من ذي ما نزيدش
نهار اللي يدي شا كان باغي من الاول ،يخليك تتخبطي في دموعك و لا دمائك كالطير المذبوح و يختفي
علاش لأنك صدقته و وثقت به
راني نقول على سبيل المثال في هذه الاقوال ، لأني أعلم الكثير من القصص بدأت بالكلمات الجميلة التي تقع في قلب الفتاة البريئة قبل سمعها و بالتكرار تألف الوضع و تزيد ثقة في الشخص و انما هو يستدرجها و يغرقها في حبائله المسمومة و بطول الامد تبدأ ممانعتها في الزوال و معارضتها في التلاشي فلا تبدي اي اعتراض فيما يقول و بعدها فيما يفعل و يبدأ السم القاتل يفتك بالفريسة و تبدأ تسلمه عرضها العفيف شيئا بعد شيئ ،كل أمر حرصت على صيانته سنينا طوال فتمنحه لذئب بشري في لحظات فينال منها كل نيل و بعد اللذة تفيق من الحلم التي كانت فيه و تبدأ ساعات العذاب و لعار ذي كان ينتظرها و نهاية القصة معروفة و مأساوية الخاسر فيها بدون منازع الفتاة في مجتمع قد عرفنا نظرته للمخطئ

لذا أنصحك و كل من يقرأ كلامي
كلنا بشر لكن اياكم و نفسي ان نقدم على امور تجلب لنا العار
علينا الاعتبار في احوال الناس و ما يصيبهم و ما أخبار الناس و ما يصيبهم من حوادث منا ببعيدة
أختي ربي يثبتك ويفرحك و يبارك فيك و في عمرك و يرزقك كل خير و يوفي ليك ما تتمناي
وأسأل الله أن يرزقك زوج صالح يكون قرة عين لك
تقبلي مروري
ســـــــــــــــــــــــــــــــــــلام