الى كل الرياضيين..........

[هـارون]

المشاركة الأصلية كتبت بواسطة hind 306

مرحبا يا اصدقاء كيف حالكم بعد الاختبارات
اتمنى انكم تقضون عطلة مريحة
انا طالبة في السنة الاولى و سأنتقل الى الثانية باذن الله
الا انني اعاني من مشكل وهو التوجيه لقد ترددت طوال العام فانا احب الرياضيات و نخدم فيها بزاف لكن معظم التلاميذ الرياضيين في مدرستي خاصة اللي يعقبو الباك السنة نصحوني بعدم التوجه اليها لصعوبتها الشديدة ولتدني معدلاتهم بعد التوجه اليها
انا على مر العام اخترت في ورقة توجيهي الاولى علوم ثم رياضيات امبعد بدلتها و درت رياضيات ثم علوم
انا محتارة في امري فارجو من الرياضيين مساعدتي بآرائهم و افادتي بخبرتهم
هل تدنى معدلكم عند الانتقال الى سنة الثانية ام تحسن او حتى بقي على حاله
مع العلم ان معدلي العام 16.18 في الفصل الاول و 16.73 في الفصل الثاني
اما الرياضيات ف 19.5 في الاختبار الاول و 19.75 في الاختبار الثاني
أرجو المساعدة فانا حقا في حيرة كبيرة خاصة من الطلبة ذوي مستوا مقارب لمستواي
و ارجو لكم التوفيق و الانتقال لكل الطلبة

لم أفهم سبب ترددك === راكي تقولي "تحبي الماط و تخدمي فيها بزاف" أظن هذا يكفي أما اللي قالولك صعيبة راهم غالطين لأني أظن أنها أسهل من العلمي لمن يجيد الرياضيات و الفيزياء و تقدري تدي المعدل 18 لوكان تحبي

بالنسبة لي ما درتش رياضيات فالتوجيه و كامل قالوا صعيبة => لقيتها أسهل من العلوم لأني ما نفكرش في أي مادة غير الرياضيات و اديت معدل 16 (يعني لوكان تقراي كلشي تدي 17 ولا 18 )


في الأخير : الشيء السلبي في هاذ الشعبة هو أن معاملي الرياضيات و الفيزاء يساوي مجموع معاملات المتبقية مجتمعة يعني لوكان ما تديش مليح فالماط و الفيزياء راح تأثر بزاف على المعدل تاعك




بالتوفيق (إن شاء الله تدي 19 العام الجاي )