الأعزب يسال .....................و المتزوج يجيب

[hydraulique51]

المشاركة الأصلية كتبت بواسطة blackTears

ربي يجيب الخير إن شاء الله
وعلاه هذا التشاؤو أخي ’ و الله ماتدري منين يجيك الخير و ربي قادر يلاقيك بوحدة لي أنت في أحلامك ماتوصلش تتمناها ’ بنات الحلال و الفاميليا موجودين أعرف كيفاه تخير برك , و الإستخارة قبل كل شيئ.
اما عن المورال واش نقلك ’ كل حاجة بشوية تسقم و الحمد لله على نعمة الإسلام و الصحة , لا تنتظر الظروف طلعلك المورال طلعها بيدك .

اهلا بيك نشاء الله تكوني بخير
عييت ما نتفاءل الخير وعلبالي بلي كلشي بالمكتوب
هده الهدرة غير باش نطلع المورال لروحي مي ما تكفيش خاصني الملموس
وين راهي هدي بنت الفاميلا لي راك تحكي عليها لي ما تجيش حتى في المنام
كاينة غير في المسلسلات والافلام اما في واقعنا الحمد لله راني نصلى الاستخارة في اي شيء اريد الاقدام عليه

المورال انتاعي صاري له كيف الزئبق يطلع مع الحرارة ويهود مع البرودة