اولاد الجزائر+ اعداء برنار ليفي == يدخلون

programmeur · 2012-05-07, 21:35

اقتباس:

المشاركة الأصلية كتبت بواسطة عُضو مُحترم

كذبو عليك يا حبيبي

موش عاجبني و مش نضحك

انا غايضتني عمري

وحدة كيما هاذي تكون وزيرة في حكومة الجمهورية الجزائرية

اللي مات عليها جدي و جاهد في سبيل حريتها والدي ربي يرحمو

تغيضني عمري كي شنوف واحد فاسد في السلطة

و ناس تدافع عليه و تصنع له انجازات من الوهم و الخوف

كي نشوف اولاد فرنسا حاكمين بلاديو يضصرفو الملايير على نزواتهم وشهواتهم واولادهم

و اولاد الجزائر يعانون ما لقاوش كيلو بطاطا

كلنا نحب الجزائر

ولكن الذي يدافع عن الفاسدين و المفسدين

لا يُحب الجزائر

وعلاش غيل انا اللي كدبو عليا
وعلاش انت تانيك ماكدبوش عليك

علاش انا راني نبالك مغندف وحمار وبقار باش اللي يجي يكدب و نصدقه ؟؟؟
علاش راك حاسبني مانفكرش مانخممش ما نعرفش

أو غيل انتوما اللي تعرفو واللي تفهمو

قتلك ماراكش فاهمنا يا اخ
أفهمني و افهمك راح ينتحل المشكل

قاع راهي غايضتنا عمرنا كي الحمير راهم في الحكم
قاع رانا نتباكاو و نشكو
قاع رانا ولاد تسع أشهر
قاع رانا نعانيو من البيروقراطية و الادارة الهم و الحقرة و و و و ماراكش وحدك اخي
ادا انت راك خدام
انا بقالي شهر و نولي بطال

قاع ماراناش راضيين على هدا النظام

لكن ان تلعب بمشاعري وتقولي اخرج أقتل ودمر و خرب و دير و اعمل

من بعد نصيب الدم و الأشلاء و و و و تقولي الحرية

وعلاش اشكون اللي راه يهدر على النظام ويقول ديرو ثورة

غيل اللي راه في فرنسا و انجلترا يتنعم و يتلدد بنعم اوربا
امثال زيطوط وجماعته
وانا هنا نقتل في اخي جزائري مسلم عربي
وفي الاخير يقولك راني جيت ويولي رئيس وانت خوك مات و جارك مات و حالتك النفسية صعبة

علاش هكدا

نسألو ربي يتغير هدا النظام
لكن لنكن واقعيين

لكن شكون اللي راه يظلم في خوه
أشكون اللي راه يمد الرشوة

القضية راهي قضية اخلاق

أنا راني مع تغيير النظام لكن ان اغير النظام بتفريق الشعب راهي جريمة كبيرة ضد الجزائر

الشعب ادا تفرق والله و و الله لراحت الجزائر

ادا تفسم الشعب راح يتقسم الجيش و لنا في ليبيا وسوريا و المالي خير دليل وادا راحلك الجيش
فمرحبا بالناتو ومرحبا بالارهاب ومرحبا بكل شيء

ادا راك حاب تنزل النظام أنا شخصيا راني معاك
بصح فكر في طريقة نسقطو بيها هدا الخرا تاع النظام و شعبنا يكون يد وحدة ماشي كل واحد يغني على هواه

شفت شعال صعيبة يا اخ

همكم اسقاط النظام
لكن مابعد اسقاط النظام واش يكون ؟؟؟

ادا كان راك تظن بلي تتسقم الامور بامر عادي وبكل بساطة
انقولك شيئ أنت اللي راهم كدبو عليك

كدبو عليك باسم الثورة

كل واحد فينا يرى الدنيا من زاوية
ومن المستحيل ان ارى العالم من الزاوية التي ترا فيها العالم انت

لكن انا متيقن اننا لنا هدف واحد وهو الجزائر