السلام عليكم
هدي الظاهرة من كثرة ولات كاينة بزاف حتى ماولاتش ظاهرة ولات عادي ايماجيني انت وحدة جا وحد يخطب قاتلوا نتفاهموا قبل فال صالون دو تي امبعد ارواح لدارنا حنا هدي الجديدة كامل وغيرها من الافعال التي اخجل من دكرها انا دايما نحب نمد قصص واقعية من واقع تجربتي باه الاعضاء يستفادوا انا في وقتي كنت عندي 16 سنة كطيما كامل البننات شفتهم عندهم صحابهم قالولي انت تاني لازم يكون عندك صاحبك هههه فترة طفولة هههه كان عندي واحد يقرا معايا حاب يخطبني لخالوا كي شافني ندور بهدوك البنات جا ليا وقالي واش راهم يعمرولك في راسك حكيتلوا قالي مانروحوش بعيد انا خالي شافك وعجبتيه وراه حاب يهدر معاك فالتليفون ويجي يخطبك
انا من صغري رحت لماما وحكيتلها وكانت قدامي كي هدرت معاه وقاتلي قوليلو اني قابلة تجي تخطبني والله غير قتلوا وانا مانعرف لا الزواج لا المسؤولية علجال صحاباتي ههههههههه كي نتفكر هههههههههه المهم هو قالي خلاص نهار الخميس انجيب يما واختي ماما نحاتلي التليفون والحمد لله جا خطبني وكان اول وان شاء الله اخر راجل فحياتي واليوم هو زوجي
انا ماما كي خلاتني هدرت معاه باه نقولوا اخطبني فقط وهدا كان ف 2006
مابالك 2012 الوقت طور والبنات راهم 17 سنة يقبلوا ب 40 سنة علاجال الدراهم والتاويل والام تحرض بنتها انا دايما نقول انوا النقص الديني للام هو اللي خلاها دارت هكدا ديجا الطفلة كي ماتحترمش امها وتخرج بطابلوا مكياج والسيري واحد ماراح يحترمها الشاب يقولك انوا هاهي يماها معاها وهي دايرة هكدا يولي قدام يماها ويهدر فالهدور الزايدة ونعطيك مثال انا لوستي ربي يهديها كي نخرج معاها هي وابنة اختها قدي فالعمر تقوللها شدي الرقم وتحبس وتهدر مع الشاب وانا ما يقيمونيش كامل كي هدرت قاتلها ماديريش كيما انا نافيقي راجل على روحك وغيرها من التصرفات اللي تبهدل والله وصلنا فالعاصمة عند لاشيشي صاحبها يوصلها هي ويماها وتقوللها هدا un ami ويماها فرحانة ببنتها
مشكور اخي عبدوا والله عندي قصص واقعية بززززززاف خفت يخلاص الموضوع غير بيا ههههههههههههه
شكرا وان شاء الله تكون فكرتي وصلتكم
( تقرير عن مشاركة سيئة )، و الموجودة أسفل كل مشاركة .
2012-05-03, 12:54
العرض الشجري