الترفاس تعرفوه........

[mamatou]

صباحكم كله ربيع و اتوحشتكم بزاف بزاف اليوم جبتلكم حاجة جديدة ان شاء الله تعجبكم و يكونوا كل الناس يعرفوه هذا فقع الترفاسة الاماكن المتواجدة فيه يسموه المجنى يحفرو عليها بحاجة نتاع حديد امي تستعمل الخنجر بعد ما جبدوها فيه الصغير و الكبير و الاكحل والاحمرو الابيض اغسليه مليح مليح من التراب نقيه كي البطاطا ديريه في ماء مغلي وخليه يطيب مدة نصف ساعة واقسمي الحبة الكبيرة على اثنيين قطريه مليح ثم ارفسيه بالزبدة نتاع البقر او ملحيه و كوليه كيما راه وكاين اللي يطيبو مع الجلبانة ان شاء الله يكون عجبكم وبالمناسبة في اوروبا الكيلو ب12 مليون واكثر