الأخت yarasmin. 26 ترد على تساؤلاتكم هنا

yarasmin.26 · 2012-04-18, 16:40

اقتباس:

المشاركة الأصلية كتبت بواسطة موسى2207

بارك الله فيك على الاهتمام وعلى ردك الجميل
اعطيني طريقة الهلال المقرص وtarteletteتكون فيها النستلي والكاوكاو
ان امكن طريقتك في تلويز الكاوكا

غدوة نعطيك المقرص وعندي وصفة التارتولات الى يترمدو في الكراميل والكوكاو ودوك انزيد انحوسلك في كراريس ومعلوماتي الحلويات الى تساعدك اما السؤال الاخير مافهمتكش حبيبتى
*وصفة المقرص: 3 عبار ونصف فرينة+ عبر { زبدة+ زيت} ثم اضيفي1/2 عبر زيت معاها او زبدة كيما تحبي+ لفاني+ قشور الليمون+ ماء الزهر باه تلميها وخليها ترتاح وجدي العقدة :3 عبار كوكاو+ عبر زبدة ذايبة+ كمشة سكر+ شوية قرفة خلطيهم وكي تشوفي العقدة جارية شوية متخافيش تشربة وخليها ترتاح
منبعد حلي العجينة وقطعي دوائر بالكاس وديري الحشو ولويها كيما التشاراك وشكلي هلال ثم خذي القراص او المساك كل واحد كيفاش اسميه وقرصيها مثل المشكلة خط حذى خط باه اجيك اعبر ودير في سنوى ايطيبو كي تدفى شوية عسليها في عسل دافئ وديريها في كسكاس منبعد ديري في ليكيسات وجي طري وخفيف ولذيذ

*وصفة تارتولات صابلي بالكراميل:200 غ سكر قلاصي+1/2 لفاني+2 بيض+200 غ زبدة ولميها بالفرينة وحليها بالحلال وشكليها دوائر كيما التارتولات وطيبيهم ولصقيهم بالكراميل منبعد اطلي الوجه بالكراميل ثم رمدي جهة الكراميل في الكوكاو محمر ومطحون كيما البقلاوة او للوز ايفيلى والفتحة في الوسط ديريلها المهجون تاع المشماش

قاتو صابلي بالكراميل:500 غ زبدة +كوب سكر قلاصي+4 بيض+رشة ملح+لفاني+ فرينة حتى تنتلم وشكليهم عجينة وحليها وضعيها في قوالب صغيرة وطيبيهم كي تبرد وجدى الحشو
*نيسلي كراميل او كابريس500 غ ذائب على حما ممائي +كوب حليب حتى اتذوب مليح+حلوة الترك+كوكاو محمر باقي حب وخلكي وضعي مغرفة في كل عجينة القالب وتروكيها تشد روحها

*عندي وصفة ليروشي بالشكولاطة شابة نعطيهالك اذا حبيتى