ورشة انجاز تروسو سموكس

[-رودينا-]

[CENTER]الحمد الله كملتو البارحة عونتني ماما وحتى خويا ربي يعطيهم واش راهو في بالهم قولو ااااامين سهرت حتي لزوج نورمالمو نحطو فوق بونك بصح خويا كان راقد وثاني بابا مانقدرش نوضهم باش نشوف كيفاش خرج ههههههههه الا نقص ولا لالا بصح كيما الماتلا كيما زوج مطراح كيفيف
امالا حطيتو فوق زوج مطارح هو باش يبان احسن من المفروض فوق البونك لاخطرش زوج مطارح يبان الفراق في الوسط
اما الحواف ما كملتهمش كامل بقالي شوية نكملهم اليوم لعشية ان شاء الله الصور ماخرجوش ملاح خاصة اللون خويا قالي ندبر بورتابل كاليتي دماج انتاعو تكون شابة بورتن ديالي ماركة بصح طاحلي في الما ماولاش يخرج مليح و زيد من التعب عين مغمضة وعين مفتوحة
بقات لافينسيون وخرجلي كيما انت انساتي فوفا جيهة اكبر من جيهة كي نحطو فوق الماتلا نعدلو مليح لاخطرش بديت مربع خدمتو ومربع لالا صافي بقى مربع داخل الاطار ماشي مخدوم وزيد 10سم لي خليناهم على بيها خليتو هكا واش رايك نزيد مربع كيما انت ولا لالالالالالالالا
الحمد الله مخرجليش معوج كنت خايفا بزاف الحمد الله









العاقبة لي بقالو متتقلقوش كملو للاخر شوية عزيمة وصبر انا ثاني المرة الاولي كنت رايحة ننسحب لاخطرش ماحبش يخرجلي التنقاط وامبعد دبر عليا خويا ربي يحفظو وكذلك دعموني خياتي وحباباتي في المنتدي العزيز وماننساس صاحبة العطاء والكرم فوفا ، وسطرت كامل القماش وسميت بسم الله والحمد الله كملتو وتهنيت العاقبة ليكم يلا الى الامام والله غير كي تكملو تحسو واحد الفرحة كي طلعتو حاجة شابة من تحت يديكم