سوء الأخلاق في الإدارات العامة والخاصة

[محمد جديدي التبسي]

المشاركة الأصلية كتبت بواسطة جسور المحبة

والله يا اخي محمد تصدق انو الموضوع هذا كنت حابة نحط واحد يشبهلو في الافكار
المهم وبما انك سبقتني لا بأس
تخيل ان مدير مستشفى يشتكي من عمال ادارته لاحدى اقاربي قائلا انه يجدهم عند مدخل المؤسسة يتجمعون ويراقبون المارة والمهم راه موجود ومبوانتي وكذلك عن التدخين كل مرة يخرج من عملو ويروح للمقهى المجاور للمؤسسة او لما يرن الهاتف ساعات وهو يحكي وزعما راه خدام
اما عن النساء فقد اشتكى من الطالو قالك راني في المكتب ومركز مع الخدمة وتجي عاملة بطالوها طق طق يسمى قلة احترام ولا تروح ل سارفيس اخر وتجمع وتحكي ومضيعة خدمتها
ولا تجيها وحدة من معارفها بشش تقضيلها حاجة ولا تخلي خدمتها اما على التأخير والغياب فحدث ولا حرج
حتى انو اتخد قرار صارم انو في حالة عدم الالتزام سوف يخصم لهم يوم من اجرتهم او يطردهم

ويقولو انو الجزائري اذا لم يسرق المال سرق الوقت
ويمشو بعقلية راني نبوانتي وخلاص يسمى خدمتهم البوانتاج

ربي يهدي والواحد لازم يحلل دراهمو لانو كيما هك راه داخل فيها حرام يعني مش تخدم مليح وتدي اجرتك كاملة ومع الحقوق لخرين في حين انو كاين شباب حابين يخدمو بجدية وما لقاوهاش

بارك الله فيك أختي الكريمة جسور
المهم هو إيجاد علاج لهاته الظواهر والتناقضات
والموضوع لا يساوي شيئا من دون مشاركاتكم القيمة
فعلا الكثير من الناس يسرقون الوقت والمال معا وقلة فيهم تسرق الوقت وحده
بل انو موجود من هو يتقاضى راتب الإدماج وهو في بيته خاصة من النساء اللي عندهم ديبلوم معين
هاذم دراهمهم حلال؟؟؟
الله يهدينا ويصلحنا
بارك الله فيك أختي الكريمة
جزاك الله خيرا