ــــ [ ممنُوع الدَّردشَة ] .... / ...

[معاً إلى الله]

المشاركة الأصلية كتبت بواسطة مختلف

السَّلامُ عليكم

ــــــــــــــــــــ

همَّا سؤالين لا أكثر ولا أقلْ :

عندمَا يسقُطُ [ المُورال ] من ( الطابِق الخامسْ عشرْ )

ما تفعلُ لإنعاشِه !

ــــــ

ولكيْ لا نخرُج من صًلب الموضوع :

لماذَا قالَ [ أفلاطُون ] مقولتهُ الشَّهيرَة : ( ممنُوع الدَّردشَة ) !

ـــــــــــــــــــــ

مُلاحظَة : إذا عندك أي مُشكلة نفسيَّة ولا إجتماعية
ولاَّ حتَّى كهرومغناطيسيَّة

لا بأس أن تطرحها !
آو آني فاضي اليُوم

ومندوملكمشْ

و عليكم السلااام و رحمة الله و بركـــآته ..

المعطيآت :
* الفعل : سقوط ..
* المفعول به : المورال ..
* الفاعل : أكيد أنآ ..
* المكآن : من الطابق ال 15 عشر ..

و السؤال الذي يطرح نفسه بالحاح : واش تديري باش تنعشيه ..

يتسمّى ما ماتش ..
الحمد لله هذاك هو الصحّ ..

بصّح يا أخي المختلف .. راني حايرة في مصطلحين ..

- كاين لي يسقطلو المورال .. >> بمعنى يطيحلو ..
- و كاين لي ينزلو المورال .. >> بمعنى يحبطلو ..

عادةً المورال يحبط .. و تحبط معاه معنوياااتنا ..
لكن ما نيماجينيش يطيح .. [ يسقط ] .. أكيد راح يحبس سير بلاص ..

ايمآلا .. كي يحبطلي واااش ندير .. مممم
نضطرّ نحبط معاااه .. [ بسيف عليا ] ..
و نشدّوا من شعروا و نطلعوا معايا ..

خطرة أنا نجبد .. و خطرة هو لي يجبد ..
خطرة نطلعوا زوج درجااات .. خطرة يحبطني معاه 3 درجااات ..

لكن نقنّع روحي أنو لازم ننجح في المهمّة عاجلاا أم آجلااا ..
لأنّو أبدااا لا نستطيع التعااايش و المورااال حابط ..

اذن أنا وحدة من الناس تلقاني نخرب من هنا و من هناك ..
باحثةً عن السبل المثلى لاقناااعه بالصعووود ..

و ندير معاه مفاوضااات [ نيgوسياسيوووو ] ..
باش ياخذ الرااي و يرجع للسطح ..
[ هذا ان افترضنا أنّ بيته الأصلي فوق ال 15 طابق ] ..

يعني كاين أمور تخلّيه ينتعش ..
أوّلها قراااءة أو سماع القرآن ..
** ألا بذكر الله تطمئنّ القلوووب **

أو الفضفضة مع ناس ايجابيين عندهم جرعة زااائدة من المورال الجيّد ..

و الله صدّقني عن تجربة ..
كي نهدر مع ناس [ بغضّ النظر من هم ] .. تفكيرهم ايجابي ..
نلقى المورال طالع بالزيادة حتى يفيض كيما الحليب ..

و ديفوا تهدر مع ناس .. يتسببوا في تحبيطه لك بسبب أفكارهم التي تفشّلك ..

***********

موضوووع جميل جدّآ أخي [ مختلف ] ..
واصل تألّقك ..

بارك الله فيك ..

ممنوع الدردشة .. و في موضوعي أسمح بالدردشة ..
شكرتنا و لم تعد ..

و استنفذتُ تشكراااتي .. لأخلفها لك في هذا الموضوع ..
لكن لا بأس .. ردّي يُغني عن ذلك ..

سلااامي ..