لي زيكلار من مطبخ أستاذي

[sisi 26]

اليوم راني جبتلكم وصفة مجربة و ناجحة
عجينة الشو نصف لتر ماء + ربع لتر زيت ++ مغرف صغيرة ملح + رطل فرينة+ من 9 إلى 12 حبة بيض + مغرف كبيرة فانيلا + لكستري نتاع القارص + 1 خميرة كيميائية
نضع الزيت و الماء و الملح فوق النار حتى يغليو مع التحريك أي حتى نسمعو الخليط بدا يطرطق ( هههه كيما قالنا الأستاذ و هذا سر نجاح الوصفة) ثم نخفض النار و نضيف الفرينة تدريجيا مع التحريك حتى نتحصل على عجينة طرية و عندما تنفصل العجينة عن الكسرونة نضعها من فوق النار و نضيف لها الخميرة و لكستري نتاع القارص ثم نبدأ باضافة البيض الواحدة تلو الأخرى ( ليس بالضرورة أن نستعمل كل البيض نتوقف عن اضافة البيض عندما نتحصل على عجينة طرية قليلا و ملساء
نسخن الفور بدرجة حرارة 320د ندهن الصينية و نخرج بلابوش ا دوي حبات طويلة و اخرى دائرية
البعد بين الحبة و الأخرى يكون 3 سم لأنها تنتفخ و نطيبها من من فوق و تحت حتى تحمار
كريمة باتيسيار : لتر حليب ( يمكن تعويضه بلتر ماء أو خليط من ماء و حليب) + 200غ سكر عادي ( كأس ) + 150غ مايزينة + حبة بيض + فانيلا + 125 غ مارغرين التوريق
حطي الحليب و السكر فوق النار و حركي جيدا حتى يسخن ننزع من الخليط مقدار كاس و نضيف لذلك الكأس المايزينة و البيضة ونخلط مليح نضيف هذا الخليط ألى الخليط المتبقي في الكسرونة مع التحريك حتى تجمد و تولي كريمة
نفرغها في صحن و نضربها بالباتور جيدا و نضيف لكستري نتاع القارص و لكستري نتاع البنان و الفانيلا ثم نضيف المارغرين قطعة تلو الاخرى و نضرب حتى تذوب المارغرين
نفتح القطع و نملأها بالكريمة و نزينها من فوق بالفوندو أو شكولا منة ذائبة وكل واحد يزين حسب ذوقه
ملاحظة : يمكن نعمرها بالبطاطا و اللحم المرحي لانه مافيهمش السكر في العجينة
هاته المقادير ديرلك 70 حبة