تدخل لهذا الموضوع تندم وتقول يا ريتني ما دخلت ( الخدمة الوطنية )

[بايق]

السلام عليكم... المدرسة الوطنية للهندسة b a g... تحت قيادة الجنرال بن شادي توفيق.. في جوان 2010علق جنرال ... والله فكرتوني يا خاوتي ..ذكريات ما تتنساش والله ...رغم الظروف ... ولكن كل شيئ يفوت... المهم كان لي الحظ اني فوت الخدعة الوطنية 6 أشهر تاع تكوين ..تحت قيادة العقيد تادرانت ...المدرسة في موقع جيد طريق تيشي تبعد حوالي 5 كلم عن وسط بجاية ...والنقل متوفر في كل الأوقات ... المهم يا أخي لوكان نحكيلك مانسكتش.... العقلية اتوكل على ربي وما كان حتى واحد تدي برايوا ...ولكن خدم مخك وشوف صلاحك ..إذا كان عندك كيفاش تجيب سورسي والطريقة الوحيدة من مركز التجنيد التبع لولايتك B R، كاش معريفة مع رئيس المركز أو عامل يديرلك طريق، عادة قائد المركز يكون برتبة رائد...في هاذ الحالة اذا اتحصلت على سورسي دير بيه كونترا و اسنا حتى يسمحولك...وإذا كانت ظروفك حالة أخرى أستخير الله واتوكل عليه ودير في بالك رايح تفوت 100X100 باش ما تتبريزاش و ما كان والو كبر قلبك برك وما تربحش العيب لخاوتك وكل شيء يجوز.... أنا دخلت يوم 15/03/2010 رقم 38 دخلت على 10 صباحا .. وريحت 5 أيام EN INSTANCE وكي كتب ربي فوتهم نورمال ... المهم الستاج الحاجة المليحة فيه أنو يدربوكم LES ASPIRON يعني لي كانو قبلكم تما في بجاية على خاطر بجاية مايميتيولهاش الظباط... 2- الجو هايل مي لاميديتي تقتل في الصيف...3- المدرسة واسعة ونقية- 4- القدر ما توصلش روحك ما يوصلوكش...المهم كيما يقولوا انظم الى الصف مع اصحابك وما كاش لي يلحقك ...ماتبينش روحك.... المثل يقول عسكر بجاية ...الجال والمراية..ههههههههههه ونورمال خويا كاشما حبيت تسقسي حوس على BAIK SAID ف فايس بوك وراني هنا خويا ..ربي يوفقك..