الدورة الرابعة"الرقي لمدبرة منزل مثالية"

[Minnnaaa]

المشاركة الأصلية كتبت بواسطة امينة مناد

السلام عليكم اليوم نضت بكري صليت وطيبت قهوة ولخاطر اليوم بدات راجلي راح بكري ملحقتش نقر الادكار بعد صلاة الصبح الوغ الان نقراهم والقران بربي ان شاء الله قراه في المساء ونزيد نقوللكم بلي راني نقر ونفسر في سورة البقرة وفي المساء ان شاء الله نقرا قصة موسى عليه السلام لخاطر كي نكون نقرا في القران نحب نفهموا كلمة بكلمة علابالي راني متاخرة بزاف هدا وين راني في سورة البقرة في البداية كي دخلت معاكم كان همي في الشغل وطريقة النهوض صباحا حتى الصلاة ماكنتش قايما بها مرة نصلي مرة لا لا ولكن الان رجعتولي روحي وثبتوا الارادة فيا بفضل الرحمان راني نصلي صلاتي في وقتها ونوض بكري ونخمل حالتي كيما يلزم الحال ماوليتش نحمل نخلي غبرا ولا ماعن مدودين وهدا بفضل اختي حبيبة والله ماكنت نعرف بلي الكلمات الجميلة التي تكتبها حبيبة تفعل هدا ايمكن ان تكون الكلمات بمثل هدا السحر وتبث في نفس الانسان كل هده الارادة وبفضل اخواتي كمثل ام ماريا التي دائما اجدها تنصحني وام امجد واختي اشورة وملوكة والبقية الان اني ادعوا الرحمان واقول
اللهم يامقلب القلوب والابصار ثبت قلبي على دينك
يارب ارجوا ان اثبت على هدا النشاط وعلى تادية صلاتي وطاعتي لربي وزوجي

ما شاء الله عليك ربي يثبتنا ويتبتك حبيبتي
[quote=اشورة; واش راكم لاباس هدا تطبيقي تاع ليامات اللي فاتو
]الاثنين : صليت الفجر وقريت الورد و الذكر و جدت الفطور و دوزنت الغدا و ناض راجلي فطر و راح للخدمة وبديت فالشغل نقيت الكوزينة البلاكارات الفريجيدار و الكوشة و علب التوابل و سيقتها و بدلت الريدو و درت المنظف للحمام وخليتو و سيقت الشنابر و مسحت الغبرة و بخرتهم و رجعت للحمام نقيتو و سيقتو و كي نشف رجعت لحوايج ليه و الريدو رنختو في الصابون و الجافيل و سيقت الفوق ول تحت و غسلت القش و نشرتو ]
الثلاثاء:بعد الصلاة وجدت الفطور و الغدا و سيقت الكوزينة غسلت لحيوط تاع لي كولواغ و نشفتهم و مسحت لي كادر و لي فاز و من بعدها فرغت الجزامة و نفضتها و مسحتها من الغبرة و ومسحت الاحدية و رجعتهم لبلاستهم و ومسحت المراية و رحت للدروج تاني غسلت لحيوط و نشفتهم و حددت لحوايج لي محتاجةتحداد ومن بعد لغدا رحت للحفافة صبغت شعري و قصيو الجانب الديني و الجمالي الحمدلله متهلية الاربعاء: بعد القيام بالواجب الديني فطرت ووجدت لغدا خملت الكوزينةو الشنابر و مسحت الغبرة سيقت الدار كاملة من لفوق لتحت بالمنظفات و المعطر و لات الريحة روعة و بعدها رحت للدونتيست باش نح الضرسة ياك قالي راها ابسي ديري الدوا ونهار الاحد نحالك و الله قتلتني

ربي يشافيك حبيبتي, وبصحتك التحفيفة ,ولجونة وين راها؟ ماجبدتيش عليها, واش ماراحتش للحفافة تاني هي؟هاهاها سلميلي عليها بزاف بزاف,,,بزاف

المشاركة الأصلية كتبت بواسطة sondse1

صباح الخير عليكم

صباح الانوار على احلى مريومة

المشاركة الأصلية كتبت بواسطة ام مرية

السلام عليكم
توحشتكم بزاف كي راكم ملاح

والله انتي اكتر توحشناك واش راها مرمورة؟حكيلنا شوية عليها

المشاركة الأصلية كتبت بواسطة ام مرية

لبنات حيبة راهي لاباس وقالتلكم لعشية نرد على كل وحدة لانو الموقع ما حبش يخرجلها وهي تقرؤكم السلام وشكرا

الله يبشرك بالخير والله يلا رانا نتهولو عليها

المشاركة الأصلية كتبت بواسطة lili rose

صباح لخير مينوشة الحبوبة شكراً لك على التذكير



بالنسبة ليا أنا صباح نضت بكري طيبتلهم لغدا ولعشية كما نروح على 17h نقوم بالتنظيف اليومي للمنزل

لوليتا حنونة واش راكي؟الله يعطيك الصحة باينة شاطرة
بصح خصني شيكولا كيما اللي عطيتيها لحبيبتي اشورة

المشاركة الأصلية كتبت بواسطة oum rahma

ميييناااااا واينك ليك وحشة

يا عمي ياعمري على الفراشة,والله رانا غير هنا وانتي وينتا تجي تنورينا هنا فالبلاد؟

المشاركة الأصلية كتبت بواسطة souhir69

صباح الخير و العسل عليكم كاملين يا لغاليات

الاستقاض بكري كي العادة الحمد لله

الكل تمام من كل الجوانب الديني + التنظيفي + الجمالي نشكره و نحمده

حكممممممممممة اليييييييييييوم

استعيني بالله و توكلي عليه

و عليك بالحزم ثم العزم و عدم التردد
موفقين باذن الله

ربي يفكرك بالشهادة حبيبتي وسلميلي على الغزالات وقوليلهم "عطلة سعيدة"

المشاركة الأصلية كتبت بواسطة *ملاك الليل*

المازوزية واش راكي حبيبتي؟

المشاركة الأصلية كتبت بواسطة ام مريم الجزائرية

السلام عليكم جميييعا حبيبة مينة ملاك اشورة ام سهير ام رحمة باذن الله ليلي ام مرية ربي يشافيك ديري زريعة البسباس وشربيها مليحة للمصران وماتكليش المعجنات والحار وووو سندس مممم اللي نسيتها تسمحلي
اليوم الحمد لله صبحت شوية مليحة ونظفت البيت والحمد لله
ام سهير مارديتيليش على المنتدى والى ماتقدريش تسجلي اكتبيلي اهم النصائح اللي تستعمليهم للبنات بارك الله فيك

لا باس عليك حنونة وطهور ان شاء الله ,بصح ما قلتيلناش شحال عندك ولاد على كل حال قوليلهم تاني هوما "عطلة سعيدة"