لو تم تعيينك رئيسا للجمهورية مدة 24 ساعة فقط ...ماذا تفعل ؟

النجمة القطبية · 2012-03-13, 17:51

طبعا المراة لا تترشح لكن ممكن تحلم ههه
المهم انا اول حاجة نعملها نحى المعريفة والبيروقراطية
نبدا بالمستشفيات نعاودهم كامل ونرجع حقوق الشعب المسكين
الادارات والجامعات والمدارس ووو هاذو كامل نطرد كامل المنافقين ونجيب ناس مخلصين
راهم كاين هنا فى الجلفة ههه نخدم كامل ناس الجلفة ههههه
ثانيا المستشفى العسكرى نفتحو فى وجه الشعب ويولى مثل غيره من المستشفيات شعبى
كامل مرافق الدولة الخاصة نفتحها فى وجه الشعب لا للتميز
الاماكن اللى فيها المحرمات كامل نقفلها
اول حاجة نبدا بيها المسلسلات نحرقهم كامل ههه
البرابول ممنوع تشوفو غير الوطنية وانا نختار البرامج
الانترنت مراقب نخليلكم غير منتدى الجلفة راه يكفى باش تستخدموه فى العمل وو
برامج التعليم كامل تتبدل
نعمل جامعات خاصة للبنات واللباس موحد كيما الابتدائى ههه ولون موحد اللى معجبهاش الحال متقراش
الاولاد كيف كيف جامعتهم ولباس موحد ولون واحد
نعاود كامل الرواتب وتوزيع الثروات على المواطنين
نرفع رواتب عمال النظافة ونعملهم مؤسسات خاصة يقراو فيها تولى بالدبلوم هه يولو كيما رجال الاعمال
بتكنولوجيا جديدة
الفلاحة والبناء وو هادو كامل يولو يقراوهم فى المدارس بتكنولوجيا جديدة ومقاييس عالمية والدراسة جزء نظرى وتطبيقى فى الميدان
المستشفيات والمجالات العلمية تولى كامل مؤسسة واحدة تحتها فروع واهمها البحث العلمى
ومزال ومزال بزاف حاجات
موعدكم فى شهر مايو انتخبو النجمة تحت شعار معا لمستقبل افضل