لون البشرة...هل يقلقك؟

[z.abdo]

يا جماعة الصراحة مليحة ما نكذبوش على بعضانا
يعني انت يا بنت لو يأتيك رجل أسود يعني قاتم اللون توافقي ؟؟؟ معليش خلي الإجابة في قلبك

كذالك بالنسبه للراجل هل ممكن راح يتزوج بوحدة سوداء اللون ؟؟؟ نظن صعيب باش واحد باش يقبل و لو والله غير المجتمع ما يخليك تعيش مليح
أولهم أقرابك وانت كذالك أختي والله غيرخالتك عمتك راه يوقولو هذي البنت واش بيها للأسف رانا ابتعدنا على الدين وانا كذالك اتكلم على نفسي
ونحيكلم قصتين من الواقع وانت خوذ ا العبرة
-1- بنت بها حب شباب في وجهها عمرها 37 سنه من عائلة متلزمة ومحترمة وكان عائقها حب الشباب فكيف بالله تقول ان وحدة سوداء راح يقبلو بها

-2- استاذ من ادرارا انا اعرفه يعمل في ولاية إيليزي تزوج من بنت من غليزان يعني هو اسود البشرة وهي بيضاء وجميلة ماشاء الله وهي ما كثة بالبيت في إحدى المرات إقترح الزوج ان يعزم الأستاذات الذين يعملن معه في المؤسسة لي يعرفهم بزوجته وحدد موعد وتم التحضير من الطرف الزوجان لهذه المناسبة وحظرة الأستاذات و طبعا الزوج مش راح يتعشى مع النسوة هو خارج البيت وبعدها إنتهى اللقاء ذهبن الإستاذات الكريمات لبيوتهن ودخل الزوج مسرورا وقال لها
كيف تمت الجلسة هل تعرفتي عليهن ؟؟؟؟ هل تعرفو ماذا قالت الزوجة وماذا اخبرت الزوج
قاتلو الله يبارك عندك زميلات ماشاء الله لم اكن اتوقع الله يبارك هكا
قاتلو راهم قالولي علاش قبلتي هو أسود وانت بيضاء وانت جميلة من المفروض تدي واحد جميل مش هذا السود
والله غير إنصدم المسكين

على كل حال هذا هو المجتع لكن حنا اللي نغير فيه ومش لازم نخلي العادات والتقاليد تتحكم فيها
أخوكم عبدو