الدورة الثالثة "نعم موظفة و ربة منزل أقدر و مستحيل أن أفشل"

[بنت الباهية]

المشاركة الأصلية كتبت بواسطة حبييبة

يا ألف أهلا و سهلا
بالحبيبة بنت الباهية
راكي جارتي على حساب اسمك
ماراكيش بعيدة عليا خخخ

فرحتينا بزاااف بحضورك معانا ان شاء الله تكوني مرتاحة و راضية
بالبرنامج و فكرة البرنامج
و اذا عندك اقتراحات رانا هنا
اطرحيهم علينا
فيما يخص علاقتنا بالله
حبيت نحط برنامج خاص بهذا الجانب
لكن حسيت البنت العاملة لما تشوف
البرنامج مكثف بالجوانب في ثلاثة
الجمالي و الديني و التنظيفي
تستثقله و تهبط عزيمتها
لذا حطيت برك التحديات الدينية و الجمالية و التنظيفية
و انتوما كيما تحبوا تنظموا البرنامجين الديني و الجمالي
كل وحدة على حساب وقتها و رغبتها
و ظروفها حبيبتي
و اذا عندك اقتراح ثاني في هاذ الامر قوليهلنا حبيبتي

برنامج اليوم سهل و خفيف
في المساء ننتظر نقرا يومك حبيبتي بكل شوق
مواااااااح

القبلة الحارة راهي وصلت وأبادلك اخرى مثلها عزيزتي
برنامجي ليوم خفيف بزاف يعني دائما يوم السبت نخليه لعمري و ما نتعبش بزاف
مثلا اليوم رحت للحلاقة مشطت و جيت للدار درت الطمينة للقهوة يحبوها اولادي و منبعد راجعت مع بنتي و غسلت فناجين القهوة ثم حضرت العشاء و الغذاء تع غذوة ان شاء الله
يعني نتعشاو بكري و يرقدو الأولاد على التاسعة و انا نبقى شوية مع الرضيع و نحضرله حقيبته حتى هو
ممكن ما ندخلش للمنتدى بزاف في ايام الأسبوع اذا قدرت راني من الخدمة نضرب طلة عليكم كاش جديد ما يفوتنيش
لااله الا الله محمد رسول الله صل الله عليه و سلم