الحل؟؟؟

[نصيرة أمي الحبيبة]

ياخاوتي الله يخليكم رايحة نهبل من المجتمع الي راني فيه مفهمتش اذا انا ماشي نورمال ولا الناس
درك نحكيلكم و احكمو

المهم مشكلتي مع العباد كي كبرت و كان لازم نتعرف على بنات
كامل كانو نية او بالاحرا ميعرفوش صلحهم و......
بصح معايا انا يفيقو و يولو شاطرين
و المشكل انو وحدوخرين كي يضرهم ميلوموش بصح انا كي نغلط ايه ه ه ه ه ه يغيضهم الحال و يجبدو روحهم و و و و
نقوللكم و شوفو وحدة كانت حبيبتي رغم دارنا رفضينها بصح كنت نحبها ونعزها
مرة طلبت مني روبو الي يرحي مكاش كيفاش دارنا ميحبوكش كيفاش نسلفلك الروبو قلتلها مراهوش في الدار باش منجرحش
من هذاك النهار الطفلة تبدلت ولت متحوسش عليا المهم تغيرت و الي غاضني كنا نحكيو عبر الكمفروج اذا تعرفوها
كانت تكتب غير لمعني الي تجرح بيهم
رغم انو كاين بنات الي دارو فيها لعجب بصح قعدت معاهم مليحة وحدة خرجت مع خطيبها و عادي زعفت منها يامات او ولو لبعضهم
بصح انا دارت معايا الي مدرتوش مع لخرين
ماشي غير هذي وحدة تان صديقة عيطتلي في تيليفون طلبت مني وصفة قلتلها من بعد نعاودلك نعطيهالك
روحت عيطت لاخت زوجي طلبتها منها و عاودت اتصالت بيها لقيتها مشنفة و قالتلي خلاص راني جبت الوصفة من عند وحدة
فهمتها بلي حتى عيطت و جبتها انا معنديش
من هذاك النهار مبانش عليها خبر
رغم واش دايرين فيها وحدة لحقت حتى تهدر على زوجها بصح مزعفتش منها
و انا شنفت عليا
وحدة من العايلة كانت تحب تقصر مع زوجي او زوجي يعكسها يرد فقط السلام
كي قلتلها بلي ميحبش يهدر زعفت و جبدت روحها
وحدة كانت جي لدارنا جارة و صديقة كنت نقعد معاها بالسوايع ونحطلها الطابلة معمرا و كل منطيبو حاجة نبعتلها
من بعد كي وليت مشغولة بامور العرس موليتش نبعتلها الماكلة جبدت روحها و عرسي محضرتوش رغم اني علبالي بلي تحب غير الي يعمرلها كرشها
وخلي و خلي........

كاين الي نحيتهم من الفيسبوك باش ميشوفوش واش نحط على خاطر يهاجموني بكلام قاسي غير مباشر
مفهمتش واش ندير مع هذ الناس درك راني في داري منروح عند حتى وحدة على خاطر الي نعرفها يسرالي معاها نفس المشكل
مفهمتش انا الي غالطت
علبالي طولت بزاف بصح تعمر قلبي و شحل نعيا نخليها في قلبي وديما نخبي
و لا نولي كيما هوما نهاجمهم بالكلام القاسي الغير مباشر ؟؟

بالك نتوما تعطوني الحل