الروتين والحياة الزوجية

[ام ظافر]

المشاركة الأصلية كتبت بواسطة kuchiki rukia

و الله هذا وين طرحت نفس التساؤل على البنات في غرفة الدردشة، كيفاش نقدروا نتغلبوا على الروتين بعد الزواج
و الله موضوع محيرني و مقلقني بزااااااااف
راني متابعة لموضوعك ونشوف وين تلحق النتيجة

لا اختي شوقية ممكن انت ما يكونش عندك هذا المشكل اصلا لانو كاين نوع من الرجال يحب التغيير تلقايه يقعد وحدو يقول لزوجتو اعملي حسابك الليلة ما تطبخيش نخرجو نتعشاو لبرى او يقوللها هيا وجدي روحك نخرجو ندورو شوي حتى ولو على رجليهم ماعليش المهم نبدلو الجو ......واذا الثلج يصب يقوللها المنظر رايع هيا نخرجو نتصورو ماشي يدخل يجري الحال بارد مووووووت اعطيني زاورة ......وهكذا كاين الزوج الي هو من خاطرو يحب يجدد ويفاجأ زوجتو بالجديد
ولكن كاين نوع ما يجدد ما يحاول ....هذا الي انا نحوس نلقالو حل واكره حاجة عندي نقول للواحد اعمل هكذا او ما تعملش هكذا ....نحبها تجي من خاطرو هو وحدو باش يكون عندها وقع على النفس