• "المواطن "..لما تروح الكهرباء .. يحرق البلدية
• و لما ايروح الماء .. يحرق الدائرة
• و لما ما يخلصش.. يحرق "مركز البريد"
• و لما يحرموه من شهادة الإقامة .. يحرق كوارطو
• و نهار ما يعطيولوش سكن.. يحرق نفسه
• "الحالم ".. لما يحرموه من الفيزا .. يحرق البحر
• "المسؤول".. لما يقطعو عليه الشكارة .. يحرق صحابو
• و" المناصر" اللي يخسر مقابلة .. يحرق "الستاد"
• و المرا اللي هبلتها المسلسلات .. تحرق "العشا"
• و اللي غلبو الصيام .. يحرق قارو
• او احد يحرق الغابة باش ايدير الشوا
• وذاك يحرق الستوب .. ما يحبش ايدوبليوَه
• " المير".. لما تخلاص العهدة .. يحرق الأرشيف
• "النائب" لما ايكمل 5 سنين..يبدأ في حرق "الشحمة"
• "الوزير".. لما اينحيولو السيارة.. يحرق "أعصابو"
• الباندي لما يحكموه .. ايقولهم "واش حرقت الجوامع" ؟
• حتى لجنة التحيق تعهم قالت لنا "حبو يحرقو لبلاد من اجل بابور سكر"
• و لما قلنا لهم شكون هما.. قالوا لنا "واش حبيتو نحرقو رواحنا؟"
• و لي ما يرشحوش الحزب تاعو .. يحرق القائمة كلها
• السياسي لي ما يقدرش يرجع للوطن .. يحرق لبلاد من برا
• و السياسي لي ما يقدرش يخرج من الوطن.. يحرق العالم من الداخل
• و اللي احب ايزيد عهدة .. يحرق الدستور
و القصة مازالت طويــــــلـــة
بقــلم : طــارق عبـــيــب
( تقرير عن مشاركة سيئة )، و الموجودة أسفل كل مشاركة .
2012-02-12, 04:42
هل هذه الأمور تخص الجزائري فقط؟
العرض الشجري