مقادير حلوياتي لمن طلبها

[ام رحوقة]

البقلاوة

العجينة
4 كيلات فرينة
كيلة زبدة ذايبة بصح الكيلة ناقصة حوالي 2سم مش معمرة
ما وماء زهر
نحك مليح الفرينة بالزبدة ونلمها بالماء والماء الزهي حتى تبدا عجينة متماسكة
نقسمها كرات ونحطها في كيس
الحشو
3عبيرات لوز مطحون
كيلة سكر عادي
ماء زهر نلمو بيه العقدة بصح مش تتعجن بل تبقى مثل الكسكس حبات
العجينة نحلها بالحلال ونفوتها في مشينة البقلاوة ابتداءا من اكبر رقم الى اصغر رقم
نحط طريق من العجينة على السنيوة المدهونة ونحط جنبه طريق اخرى حتى تتغطى طبقة السنيوة
ونرجع ندهن وندير الطبقة الثانية عكس اتجاه الطبقة الاولى
وهكذا حتى نكمل 7 طبقات نفرش العقدة مليح ونبدا العجينة بنفس الطريقة الاولى
نقطعها ونزينها بالوردات ولا بحبة لوز
نطيبها على نار شوية قليلة
واول ما تخرج نعلسها بالعسل الدافئ