هل تقبل (تقبلين) الزواج من سجين (سجينة) ؟؟؟؟

[thorpe]

المشاركة الأصلية كتبت بواسطة عطر الملكة

و عليكم السلام و الرحمة و الاكرام

و الله رايك صدمني و دوخني بخصوص مقارنتك بين السجينة و الجامعية مقارنة غير مضبوطة

الهذه الدرجة عندكم عقدة من البنت الجامعية مش كل البنات كيف كيف كاين جامعية من جامعية و هذا امر موجود بشكل عام ربي خلق و فرق
و زيد
كي نهدروا على امرأة عاشت تجربة السجن حتى لو كانت مظلومة و حتى لو كنت تعرفها من قبل فكرة دخولها للسجن تطرح مليون سؤال ماشي بالساهل المجتمع و المحيط يصدق انها بريئة حتى لو كانت فعلا كذلك
خاصة اننا في مجتمع يحاسب المرأة على الصغيرة و الكبيرة و اكبر مثال على صحة كلامي هو نظرة الشباب للبنت الجامعية
ربي يلطف
شكرا اخي حسين على مداخلتك و رأيك الصريح

يا اختي انا قلت نقبل بالسجينة بنسبة 10 بالمية
ههه انت رايتي العشرة بالمية وما شفتيش 90 بالمية
وكومام حطيت الظروف الي تجيب هاد العشرة بالمية

وهي ان تكون من الاقارب وتكون معرفتي بها معرفة كبييييييييييييييييييييييييييرة
وزيد قولك ان المجتمع ماشي بالساهل يصدق بلي راهي بريئة
يا اختي انا الي رايح نتزوج بيها ولا المجتمع ؟؟
واش دخلني فيهم مادام انا قانع بيها
ومادام انا متاكد من براتها
ما عندي ماراحلي فيهم والي نسمعو يحكي عليها تكون اخر حكايتو فالحياة
لاني حالف بربي نقتل ننورمال كون يوصل شخص لمرتي ولا لاختي ولا لاي شخص من اهلي
بالاك نسمح في كلام يتقال عليا
بصح موحال نسمح يتقال كلام في اهلي
مهما كان ومهما يكن وخلي نروح للسجن مادام راني ندافع على عرضي راني مجاهد ونقتل ومانيش كافر

اما بخصوص الجامعية انا حددت وقلت الاقامية او المقيمة

الله غالب انا اعيش في قسنطينة وشايف وعايف وكاره
بنات تقول حاجة 10 مرات من بعد قسما بالله غير تحير

خلي البير بغطاه
شخصيا ما نقبلهاش لا ليا ولا لشخص من اهلي ولا لصحابي كون يجي يشاورني على بنت ويقولي راهي عاجباتو وكانت فالاقامة
نقولو غير اخطيك بالمختصر المفيد

هذا رايي والي حب يدي من الاقامة فله ذالك

جازاك الله كل خير
وارجوا ان تتقبلي رايي المتواضع البسيط