اقتباس:
المشاركة الأصلية كتبت بواسطة arridj
نشكرأختي أم كوثر وfatimatek علي الرد ونشكرك أختي بسمات علي النصيحة ومادا بي ادا جربتيها تعطيني الطريقة والمقادير وهل تصلح للضياف؟راني فرحانة بزاف ربي يفرحك اختي
|
اذا درتيها للضياف لى ماهومش مالفين بالطبخ المغربى راح تبهريهم جيبى الدجاج نحيلو الجلد و من جهة جيبى صحن خلطى فيه القليل من الملح الكركم سكن جبير فلفل اكحل وشوية زبدةاطلى باها الدجاجة الكل الدجاجة تكون بدون رقبة و لا جوانح احسن فى كوكوت حطى زيت عود قرفة صغير و بصل و قلى مليح الدجاج و من بعد مرقى على الجنب ما تكثريش الماء من جهة ثانية جيبى كمية من اللوز مقلى و مرحى و عن تجربة كذلك حاولى انك تقلى اللوز مليح يعطى طعمة مليحة لا استطيع تحديد الكمية انتى تعرفى على حساب المول و على حساب الضياف نتاعك حطى معاه مغرف صغيببببببببببرة من القرفة لا تنسى انك حطيتى فى الصوص بعد ما تطيب الدجاجة فتيها يعنى نحيلها العضم وتبقى عندك الصوص اضيفى كمية من البيض لى تلمها شويىة انا عادة اضيف 4.او5 حبات انتى على حسب الصوص نتاعك فى مول مدور مدهون بالزبدة مليح فرشى الاوراق و خرجى على الاطراف فرشى اللوزاذا كان للضيلف حاولى ديرى طيقة مليحة خاصة اذا كانوا سبيسيال و من بعد ديرى طيقة من الصوص و فرشى فوقها الدجاج ومن بعد رجعى الاوراق و زيدى غلفى باوراق اخرين من الفوق و حاولى دخلى الاوراق من الجوانب نحو الاسفل تولى مثل التورتة ضعى اطراف من الزيدة من الفوق و اخبزيها حتى تتحصلى على لون محمر فاتح كاقتراح فقط ديرى من الفوق ورق دانتال كبير لى نديروه تحت التورتات و حاولى انك دردرى سكر ناعم طبقة خفيفة ثم نحيه لا يأثر على الطعم يعطيها منضر رائع اقسميها مثل التارت و للاستفسار رانى هنا
( تقرير عن مشاركة سيئة )، و الموجودة أسفل كل مشاركة .
2011-12-15, 20:34
العرض الشجري