إرحمو من في الأرض يرحمكم من في السماء

[النجمة القطبية]

المشاركة الأصلية كتبت بواسطة مريلينا

السلام عليكم يا جماعة شكرا لردودكم الكريمة
اليوم نحكو على موضوع ما عندوش علاقة بتصرفات الأشخاص لأنو بعض الأعضاء راهم يشوفو إنوا أنا نجيب المواضيع السلبية فقط ونفضح فالناس وهذي مستحيل أنا في كل موضوع طرحنو من واقع المجتمع وتصرفات كلكم لاحظتموها المهم نرجعو لموضوعنا
إرحمو من في الارض يرحمكم من في السماء والرحمة للإنسان وللحيوان نحكو على الحيوان الكائن اللي خلقو ربي يأذي وإلا لالا خلقوا ربي وبث فيه الروح إحنا مسلمين ونعرفو الرحمة ودينا يطلبها علاه ما نرحموش المخلوق الضعيف لاحظت بعض الناس فالطريق قطة مثلا فايتة يضربها يركلها أو كلب حاشاكم يضربو فيه بالحجر حمامة أو عصفور يعذبوه حتى يموت ومرة شفت حاشاكم يوتوب حمار شعلوا فيه النار حتى وين مات بشاعة الصورة وعلاه هذي التصرقات مع كائنات لا حول ولا قوة لها وكاين اللي مربي حيوانات مهتم بيها كأنها واحد من البيت
أنا عندي قطة وكلبة حاشاكم وباركولي الكلبة نتاعي ولدت وجابت الله يبارك 10 شابين وكامل أعطيتهم إسماء ونوكلهم ونتهلى فيهم ويمرضو نديهم للطبيب وهذو اليمات البرد بدلتهم البلاصة نخاف يموتو من البرد والقطة ما نحكوش نكون نسيق حاشاكم نحكي معاها تقول تفهملي تبدا تعيط وتفهم كل شي وزيد هي والكلبة بزاف متفاهمين ما يدابزوش ممكن بزاف منكم يقولي تربية الكلاب حرام او ماشي مليحة مي الكلبة هذي لقيتها مريضة كانت راحا تموت دوايتها عند طبيب وتهليت فيها ومن بعد خليتها عندي ضرك محال نقعد بلا بيها
اللي عندو حيوان يحكينا عليه أو يعطينا رأيو في الموضوع والرحمة مع الحيوان شكرا

اهلا بالغالية مريلينا
شكون هادوما اللى قالو على مواضيعك سلبية اواه ميفهمو والوا قوليلى عليهم نوريلهم هههه
المهم نرجعو للموضوع
الحقيقة انا تقدرى تقولى خاطينى الحيوانات ونخاف من الحشرات ههه كارثة
المهم نحب الحيوانات الاليفة برك
اما خويا عندو قصص مع الحيوان هههه
هو يحب يربى الحيوانات بزاف ويتعلق بيهم
مرة شرالنا جدى الله يرحمو ثلاث صيصان
المهم كامل ماتو وبقى غير تع خويا هذا
كبر واصبح سردوك كبيير وشباب وقوى
ههههه كى كنا نسكنو فى البيت القديم
منخرجش للمراح خاطرش السردوك ميحبش يبدا ينقب فيا والله ههههه
المشكل السردوك ميخليش الاناث تخرج مالدار والرجال معندو حتى مشكل هذى مفهمتهاش
كنت باش نروح نقرا لازم نتعذب هههه حتى واحد النهار بابا ذبحوا
ههههههه رجع خويا للدار كان صغير لقا السردوك مذبوح والله كارثة مسكين قريب هبل
وفى النهاية صدقناه خاطرش يما تبكى وخويا يبكى هههههه
ودرك خويا مربى العصافير فى الدار والحمد لله