البيت الكبير بيت العائلة

[فتـ حييةـاة]

بما انكم لمستم بعض المثالية في مشاركتي فانا عدلتها
انا قلت ان العيش في البيت الكبير يعتبر اكبر امتحان للزوجة وانا متمسكة براي سواء تعلق الامر بي وباي امراة في العالم
انا ماقلتش انا وانا وانا لا انا وريتكم حالتين وعوض مانخاطبكم انتم ونستعمل الضمير انت في هدرتي استعملت الضمير انا ماقلتش انا رايحة نبغي حماتي وونبغي بناتها ونرحب ببناتها ونحترم اولادها لالالا مارانيش ضامنة نحيا منا لغدوة كيفاه نحكي على حماتي وندير وندير
اما على مشكلت الاخت اللي حكيتي عليها انا تبانلي بالمقارنة مع المشاكل اللي سمعتهم والله مايبانو خلاص ماتحليش الباب ماتنشريش وحدك والله نحليك على مشاكل الكناين والله تشيبي ومن بعد ايلا راني ساكنة في بيت العايلة علاش نحل الباب ممكن رجل راه يطبطب ثاني نروح نحل عليه ويشوفني كي تكون عزبا مشي كيما تكون متزوجة ومرت راجل واذا على التلفون علابالي كامل نبغو نحكو وحدنا مع اماتنا ولا خواتاتنا بصح اذا قالولي ماتهدريش فالتلفون غير قدامنا نحكي قدامهم ونخليهم يقنعوا يعيوا ويكرهو ومادامنا رانا جبدنا الهدرة فالتلفون نحكي لاختي قصة واقعية صرات العام اللي فات واحد طبيب تزوج زوجتهم كليوم تهدر فالبورطابل وتطول وكي يبات هو قارد فالسبيطار هي تبات تحكي سمعتها عجوزتها دايمن تهد ضربت النح بصح كي وصلت الهدرة مبعد منتصف الليل فيها ان خبرت ولدها النتيجة الاخيرة يا اخت الزوجة تطلقت بعد شهرين من زواجها لان اللي كانت تبات تحكي معاه عشيقها اما على النشير اذا كان النشير فالبالكون تلبس الوحدة خمارها وتنشر هذا بعدما يسمحلها الزوج اذا كان النشير فالسطح وكاين جوارين ويشوفو ها تروح معاها عجوزتها واش فيهها ؟؟
صح مايحس بالجمرة غير اللي كواتو صح انا مي متزوجة ومشي عندنا كناين بصح عندي قريباتي كناين وعندي قريباتي عجايز وعندي جوارين وعندي اهل البلد ونسمع اخبارهم يا ما كناين مغبونين وصابرين ويا ما عجايز الان في دار العجزة بسبة كناينهم بصح ندعي ربي مانكونش سبة تاع تعاسة عجوزة في آخر ايامها و نكون مرا صبارة ايلا عطاني ربي عجوزة .......
واخر كلامي ليك هو لوكان نحس بلي راني رايحة نبقى حياتي كاملة كنة ندير وندير وندير بصح الله غالب يجي نهار وين نولي عجوزة على هاذا صعيب الحال