فرضنا فجائي صح ==صح ==

[ريحآنة الوفآء]

السلام لبنات و الولاد
راكم ولا===mad:
المهم الفروض بدت و نحنا درنا غير الفيزياء
في اول الحصة بدينا درس عادي و من بعد قالت لينا وجدو رواحكم فرض قلنالها ظرك
شافت فينا مليح و قالت تحوشو على الاصفار راهو فرض فجائي و تديروه في 20 دقيقة برك هذا واش بقا من الساعة
مساكن خبينا كلش غير ورقة و ستيلو
بصح الحمد لله فرض ساهل نقلكم واش هو هههه
التمرين 14 و15 و 16 صفحة 120
ان شاء الله 20/20 بالرغم من استاذتنا النقطة تمدها بعد كل الدتقيق جيدا ربي يستر
و انتوما واش درتو و فروضكم ساهلا ولا لا


و غدوة نديرو علوم و كراسي مهوش عندي عند صاحبتي غايبة الاسبوع الكل
ديما كراريسي نسلفهم و مايرجعوهمش ليا
هذا زهري ===========:mad:
نورمال النقطة الي كتبهالي ربي هذيك هي
طولت عليكم صحا
ربي ينجحكم بمعدلات كبيرة و اكبر من تاع الامتحان الاول

===========اليوم 19 جانفي ===============
و كي نزيد نقلكم رانا اليوم كي دخلنا بدينا نعيطو نحسو
واحد يقول هذا كرسيا و الاخر بلاصتي و الاخر اااااه و كل واحد و واش يدير وهي اسكتو اسكتو والو
نقلك وقتاه سكتو كي قالت اجبدو ورقة امامكم
و عقبت لينا فرض ثاني
نشاط تاع قوى الاحتكاك راهو كاين في الكتاب و هو درس جديد
وزيد ربع ساعة برك و كي كملنا بقت نص ساعة حلينا النشاط مع بعضانا و كلش غالط التمثيل للقوى فقط الاسئلة صحيحة و انحنا جاوبنا على مكتسباتنا تاع المتوسطة بصح لا ظرك كلش قريناه بالمقلوب قالت لينا معلومات المتوسطة غير دقيقة
==============
و واش رايكم في هذا الفرض