يوم في مطبخ حبييبة

[حبييبة]

المشاركة الأصلية كتبت بواسطة Meriemchawiya

سلام أخت حبيبة حبيت أنا و أختي نفهمو برك انتي متزوجة و الا لالا و اذا كنت متزوجة هل انت عاملة و الا قاعدة في الدار
برنامجك الله يبارك عليه لكن باه نطبقو هذا يعني لازم نلغي كل شيء في حياتي وين الوقت الي تقضيه مع زوجك و اولادك وينو الوقت الي تروحي لصاحبتك وينو وقت الني حابة نرتاح خاصة لواحة خدامة لازم تقري اولادها و تقعد مع راجلها بزاف حوايج يروحولك و انتي في الكوزينة و التسياق كل يوم
بالنسبة ليا انا نساعد روحي منخلي الدنيا تتوسخ ما نكسر ضهري راكي تكبري و تحصلي و انتي مازلتي صغيرة
واحد ما يرضى الوسخ لكن باه نغسل السقف تاع الصالة كل 15 يوم مبالغة شوية باه نفرز القجورة تاع الكوزينة كل عشية بزااااف انا نحب النظافة و نحب مساعد روحي بمعنى عينك ميزانك الي نحسها راح تبدى تتوسخ نظفهاا انا خدامة نروح على 5 تعبانة تتوقعي نقدر ندير برنامجك ؟؟؟؟ و الله ندير مالادي النهار الي بعدو
مانيش فنيانة و الناس تشهد بيا بصح انت و اسمحيلي نوع من الهوس و ملئ الفراغ ربما
على كل حال ربي يكون في عونك

QUOTE=Meriemchawiya;8557704]انا منيش ننتاقد بصح الرجاء جاوبينا كلمتني أختي الصباح قعدنا نص ساعة نهدرو عليك
متزعفيش منا[/QUOTE]

أهلا مريم
إسمك عزيز بزاف مريم
حاضر رايحة نفهمك أنتي و اختك
أنا محامية و عندي مكتبي الخاص
غلقته باش نتفرغ للبيت و لأهلي ووالديا ربي يخليهملي
مخطوبة و عرسي راه قريب بإذن الله
البرنامج اللي رانا نطبقوا فيه كيما فهماتك حبيبتي سندس
راهوا خاص فقط بربات البيوت اللي قاعدين فالدار
أما الموظفات
رايحة تلقي على هاذا الرابط البرنامج اليومي للموظفات
https://www.djelfa.info/vb/showthread.php?t=783408

و هادا البرنامج للتنظيفات العميقة الشهرية الخاص بالموظفات

https://www.djelfa.info/vb/showthread.php?t=786010

زيارة الأهل قليلة
هوما فالغالب يجوا لعندنا بحكم الوالد هوا أكبر إخوانه
زيارة الحبابات معدومة حتى زميلاتي المحاميات
كل وحدة راهي لاهية في دارهم و أشغالهم
نتلاقوا غير فالمناسبات
السوق نخرجله مرة فالاسبوع
بعد ما يسمحولي والديا و راجلي
القضيان مرات مرة في الاسبوع
و مرات في العشر أيام
نروحوا معا بابا نشروا القضيان بالسيارة و نرجعوا
مارايحش ياخذ وقت كثير
و عارفين واش رايحين نشروا ووين رايحين نشروا

حباباتي نتاع الصح راهم هنا قدامك
راني لاقية روحي بيناتهم
ربي يخليهم ليا و يفرحني بيهم إن شاء الله
الحمد و الشكر لله من كثر ما والديا و راجلي ووالديه يوصوني على روحي
راني متهلية في روحي 1000 فالمية
من كل النواحي الصحية و الجمالية و حتى النفسية
و عندي بفضل الله و حسن التدبير و التخطيط
الوقت الكافي باش نقوم بكل واجباتي
اتجاه ربي وأسرتي و أهلي و نفسي
لالا ما نزعفش حبيبتي هادا شي يشرفني
أنني نكون مصدر إهتمامك
و تتكلمي عليا أنتي و أختك ربي يخليهالك
الوقت الفارغ
عمري ماكان عندي وقت فارغ
لا مين كنت نقرا ولا مين كنت نخدم
ولا دروك مين تفرغت للبيت
دايما عندي أشغالي الخاصة الشخصية ولا معا الأهل ولا راجلي
اللي تسميه أنتي هوس أنا نسميه حب و إهتمام و عطاء
من شدة حبي لوالديا هادا أقل شي نقدر
نخدمه باش نردلهم ولو القليل من الشي اللي داروه على جالي
و صدقيني ما نقدرش نحصيلك واش داروا على جالي وواش تحملوا معايا
ربي يخليهم ليا
و الحمد و الشكر لله من الآن راني موجدة البرنامج اليومي
و الشهري الخاص نتاعي في بيتي الجديد
بعدما نتزوج بإذن الله رغم ممانعة راجلي باش نخدم فالدار
و كان مصر يجيبلي بنت تخدم شغل الدار
كيما اخواتاته والوالدة نتاعه ربي يخليهالنا
لكني رفضت ومازالني مصممة نخدمه بيديا هوا اللي لقبني
بإسم حبيبة حتى رجعوا كامل أهلوا واهلي يعيطولي "حْبِيبَة"

و نعزه و نهتم بيه و نرعاه و نرعا بيتنا وولادنا و أهله
بإذن الله

نتمنى نكون شفيتلك تساؤلاتك
ووفقت في تنويرك و اعطيتك بعض الاجابات اللي كانت محيراتك
و إذا احتجتي أي شي
حبيبة في الخدمة