نعمة تحب غير المساعدات >> ولات ماتحشمش

[نعمة القدوس]

سلام آ لجماعة ..

لاباس ؟ بخيير ؟؟ أنا الحمد لله

المورال طالع الله يبارك ،، بالصح التعب نال مني >> زعما بدييت نخدم فوور، سااع راني كآآووو هههه

المهم ،،

ندخل طول في الموضوع [ آي الحداش ونزييد نهدر بزااف ]

الأستاذة تاعنا تاع الاجتماعيات حبت تحرك المؤسسة ،،

مالا قالتلنا كل واحد يختار موضوع ملييح

ويدير عليه البحت ..

مالا أنا زعما حبيت نختار بحت بعنوان "الجزائر دولة عملاقة"

حيث أنا والدي تعود أن يحكي لي عن بطولات الجزائر، في عدة مجالات

لذا قررت أني نعرّف كل جزائري بحقيقة بلادو

لأننا أكثرنا من التقليل من شأننا ،، وهذا عاد سلبا علينا

المهم، نظن الفكرة وصلت

أولا .. حبيتكم تقولولي لكان الفكرة ملييحة [ هل هي قنبلة ولا محرايقة برك ههههه ]

راني حابة نذهل الأستاذة تاعي، لازم نخليها بلا رااس ههههه >> هدرة تاع الشارع ههههه

وتانيا ،، حبيتكم تسألوا والدييكم على أمور من التاريخ تاع الجزائر

اللي تمس بهاد الموضوع

باه تعاونو أختكم في الله نعمة ..

وأنا طبعا ،، نسال تاني في الوسط تاعي، وحتى التلامييذ ،، بالاك كاشما نلم

اليوم حمّلت 3 كتب على تاريخ الجزائر، ماتدريش بالاك نلقى فيهم كاش حاجة

وهي بعنوان :

تاريخ الجزائر المعاصر

تاريخ الجزائر في العصر الوسيط

والتالت راهو في الطريق

والله ماني قادرة نشوف عنوانووو >> نعساانة هههه

مالاحضتووش باللي راني مازينتش موضوعي من النعاس بزااف ؟؟

المهم ..

عاونووني ..

بأي شيء تقدروا عليه، ولو معلومة موثوق منها ومبعد أنا نتوسع فيها

أصلا ماش لازم نكتر فيه

مناه رايحيين نلصقووه في الحيووط

يعني من كل بستان زهرة برك ههههههه

أيا تصبحو بخييير




++++



صباح الخييير ياجماعة الخيير

قصدي مساء الخيير هههههههههههه



المهم ،،


زدت اليوم تمسكنت لبابا شويا مالا عصرلي مخو وجابلي موضوع آخر


وبما أني قريت ردودكم ولقيت منكم مساعدات واقبال على الموضوع، قلت ندييرو ونديير وآآحد آخر

زعما، ندخدم بالدووبل باه نديي النقاط بالدوبل [ راني نحلمم بزاف ]


المهم ،، الموضوع هو على الثورات الكبرى في العالم ،،

مثال : الثورة الكوبية بقيادة أرنيستو تشيقيفارا ،، وتاع الهنود الحمر (بالتحديد ليزاباش) بقيادت جيرونيمو والكثييير


يعني أنا شفت الشباب ،، يحبو تشيقيفارا ويرسمووه فوق الطوابل تاع الدراسة

مع أني متأكدة أنهم مايعرفووهش ملييح

مالا قلت نعرفوو الشعب بهاد الحواايج ..


وآآش رايكم ؟؟