اسمع حكاية بلهجتي ....

[فتـ حييةـاة]

[color="royalblueحاجيتكم ماجيتكم غير على بقرة اليتامى :
وحد النهار كان كاين راجل و عنده زوج نسا ايا وحد النهار بغاو يروحو يغسلو الصوف ف الواد ماقاوش باش يوصلوها قالت وحدة منهم للاخرى هاكي هاذ الحزام اضربيني بيه نولي بقرة ارفدي فوقي الصوف وكي نوصلو للواد عاودي اضربيني بالحزام نولي امرأة نعاونك فالغسيل ومن بعد كي نكملوا غسيل الصوف عاودي اضربني بالحزام نولي بقرة باش نوصل الصوف للدار وكي نوصل للدار اضربيني بالحزام نولي امرأة . ايا ضربتها بالحزام ولات بقرة رفدت فوقها الصوف ووكي وصلوا للواد عاودجت ضربتها بالحزام ولات امرأة وغسلت معاها ومن بعد عاودت ضربتها بالحزام ورفدت فوقها الصوف باش يوصلوها للدار اااااااااااااااااااااااااااايا كي وصلوا للدار مابغاتش تضربها بالحزام ايا مسكينة قعدت بقرة ايا ولادها مساكين ولاو يرضعوها اي يرضعوا البقرة سمنوا وو لاو شابين غارت منهم وبغات تتخلص من ذيك البقرة بأي طريقة قالت لراجلها لازم تذبح ذيك البقرة راجلها قاللها لا خليها راها معيشة اليتامى قالت لا يليق تذبحها قاللها صحا خليني نشاور الناس .......... فالصباح راح الزوج للسوق وسال بصوت عالي يا ناس بقرة اليتامى تنذبح ولا ماتنذبحش ؟؟؟ قاع اللي فالسوق قالوا لا ماتنذبحش رجع فرحان وخبر مرته قاللها قاع السوق قال بقرة اليتامى ماتنذبحش قالتله لا غدوة عاود روح سقسيهم ... وغدوة الصباح ناضت قبله ولبست جلابة تاع رجال وغطت راسها وسبقاته للسوق كي وصل راجلها للسوق قال :ياناس بقرة اليتامى تنذبح ولا ماتنذبحش قاع قالوا ماتنذبحش غير هي قالت :تنذبح تنذبح ..... رجع الراجل للدار وقال لزوجته قاع اللي فالسوق قالوا ماتنذبحش غير وحد المكشوف كيما انتي قال تنذبح قالتله: غير هذاك اللي يعرف دير عليه وذبحها .بغا يذبحها مابغاتش عيا معاها و ماطاقش(ماقدرش) حتى قالولها ولادها يا بقرة اليتامى انذبحي عاد انذبحت ايا هذيك المرأة اللي هي ضرتها فرحت وو لادها بكاو عليها وقالو لباهم (لباباهم) اعطينا قرن من قرون البقرة وضرعها.....كي عطاهم القرن والضرع داوهم وراحو بعيد و دفنوهم هذاك القرن ولا(أصبح ) نخلة كبيرة فيها التمر والضرع ولا(أصبح) عين ويسيل منها الحليب. زوجة الاب سمحت في ولاد راجلها ماولاتش تعطيهم الماكلة ولاو يروحو خيانة لهاذيك البلاصة يشربوا الحليب وياكلوا التمر سمنوا ورباو الصحة والمرأة ماعرفتش السر وين راهم ياكلوا قالت لولادها يليق تخبروني وين راهم ياكل وواش راهم ياكلو قالتلهم تبعوهم وخبروني كانت تطيب لولادها خبز مصنوع من السميد و هوما مساكين تطيبلهم النزالة (النخالة ) و كي يتبعوهم باش يعرفو السر ولاد المراة الطيبة يقولو لولاد الشريرة هيا نرموا خبزنا فالواد ونشوفوا شكون اللي خبزه يسبق كي يرموا خبزهم يديهلهم الواد وهاذوك ياكلو الحليب والتمر. فالعشية رجعوا لامهم وماعرفوش السر ضربتهم وقالتلهم لازم تجيبولي واش راهم ياكلوا ايا راحو معاهم وكي شافوهم ياكلوا التمر داولها(اخذوا لها ) معاهم تمرة في يديهم كي يوصلو عند امهم يولي هذاك التمر خنفوس تضربهم تقوللهم راكم تكذبوا حتى لوحد النهار لبست ولحقتهم لقات نخلة تاع تمر كبيرة قطعتها كي ناضت الصباح وراحت شافتها لقاتها نبتت من جديد كل تقطعها وغدوة من ذاك تنيت حرت وراحت سقسات(سألت) واحد المدبر باش يدبر عليها قاتله عندي وحد النخلة كل يوم نقلعها وهي تنبت قاللها المدبر:كي تروحي اقلعيها وقولي : نخليك ظفر نصيبك ظفر.راحت قلعتها وقالت :خليتك ظفر نصيبك ظفر ايا مازادتش نبتت جاعوا و مالقاوش مساكين منين ياكلوا ..................................................
يتبع

نتمنى تعجبكم "][/color]