مشكلتي أرهقتني

[مشكلتي]

السلام عليكم و رحمة الله
انا فتاة أدرس في السنة اولى جامعي بداية مشكلتي هي انو لما كنت نقرا فالرابعة متوسط عجبني وحد الشاب و كنت تقريبا نشوفو كل مرة (صديق العايلة)بصح ما اثرليش على قرايتي و الحمد لله جبت البيام بتقدير جيد و فهاديك العطلة كنت ديما نخمم فيه ...طلعت لليسي و قلت بالاك ننساه ...ماكان والو دييما نخمم فيه و لي معدبني كثر هو اني ماقلت لحتى واحد حتى وحد النهار قررت باش نخبر صحبتي كي قلتلها ريحت شوية بصح العام تاع الباك هبلت تع الصح القراية منا و هو منا كنت نخمم فيه بشكل رهييب تقدرو تقولو كثر ملي نخمم على روحي وليت كل ما نفتح الكايي نحب نقرا و لا نحفظ نشوفو قدامي و نبدا نخمم فيه هادي الخطرة صح اثرلي على قرايتي و ماجبتش الباك كيما كنت نتمنا خطرات نقول انا غبية بويسك هو واقيل مايسمعش بيا كامل وانا ديما نضيع وقتي و نخمم فيه ....
قولولي كيفاش نقدر ننساه و نحيه من بالي راه حتى هاد العام و ماريحتش من هادا التخمام راني حابا نرجع نخمم غير في قرايتي كيما زمان و نحيه كامل من بالي ..سيرتو هاد العام القراية الي راني نقرا فيها شارجي بزااااف تطلب تكسار الراس و الحفيظة و انا كل ما نسيي نحفظ نلقا روحي ساهية و نخمم و وقتي يوح كامل فالفيد..
ادعيولي الله يخليكم مانيش حابة نضيع ...