اراءكم اخواتي اخوتي

[البريء]

يا ودي ريحي ف الدار راكي مهنية وقايلك تكسار الراس.. وديري في بالك بللي مكتوب حد ما يديه حد.. وكلها أسباب فقط..

عنبالك اللي راهي كملت قرايتها وخدامة راهي مهنية في ذاتها وفي مخها ؟

وقلقك ورغم انها هواجس مشروعة ومقبولة واقعيا لكنها مجرد وساوس !!

ما دامك مهنية في داركم وبخير عليكم .. واش حابة اجيبي لعمرك الشقى ؟

والانسان لو يطّلع ع الغيب لفضّل الواقع !!

كل انسان وظروفه وكل واحد ووضعيته !!

ومكاش منها تخافي اطيح بيك كاش نهار لان اللي يخاف ويتقي الله يجعل له مخرجا ويرزقه من حيت لا يحتسب !

كاينة حاجة برك وهي ان الشهادة سلاح في يد الفتاة.. سيرتو ك يغيبوا والديها.. على خاطر حتى ولو كانوا الخاوة مأصلين وقد ما يديريلها..

ماهمش رايحين يجوا كيما والديها !!

اما بخصوص الزواج.. فكل شي بالمكتوب .. كاين اللي عمرها ما قرات وكيما يقولوا فاتت على ليكول تشرك وهكذاك تزوجت صغيرة وراهي عندها طاشمة نتاع ذراري..

وكين اللي وصلت لأعلى الشهادات وشابة تضوي كالشمس وخدامة بصح ف الزواج خرجت صحرا ومازال ماجاش مكتوبها !!

اذن يا اختي ما عندك علاش تخافي والا تتقلقي !! وخللي الأمر لصاحب الأمر..