سؤال حول عمل المرأة؟؟؟

[بصمة قلم]

المشاركة الأصلية كتبت بواسطة meriemkay

لا عندهم الاختلاط في العمل فقط اللي حرام ....
شوفوا المتوسطات واش راه صاري فيها
العيب ليس في العمل بل في ظروفه التي لا نريد ان نغيرها ونقولوا حراااام حرااام حرااام
الحرام ستحاسب عليه لانك لم تحاربه

الاختلاط في كل شيء اختي
وارجعي لفوق دوك تلقايني قلت للاخت باللي حتى المتوسطة والثانوية فيها اختلاط
وعندك الحق العيب ماشي في العمل وانما في ظروفه
بالصح قوليلي كيفاش نحاربو الاختلاط واحنا نشجعوا في عمل المرأة في جميع المجالات؟؟؟
علاش نسلموا بواقع الاختلاط ونقول ماعليش الاختلاط درك راهو في كل بلاصة وما نطالبوش بتغييروا
المواضيع اللي تهدر على عمل المرأة بلا حساب والهدرة فيها توجع الراس
بالصح اللي تهدر على محاربة الاختلاط شبه منعدمة واذا وجدت تلقاي زوز تلاتة من الناس اللي ردوا عليها
الناس كل تحوس على حقوقها بالصح واحد ما قال واش هو واجبي انا اتجاه هاد الدين
حابين يخدموا على خاطر حقهم وحريتهم بالصح ما خموش باللي واجب عليهم درء المفاسد وتطهير المجتمع من الاختلاط
والحل الوحيد المتوفر والممكن هو القرار في البيت حتى يفرج ربي وتتعدل القوانين ويمنعوا الاختلاط
نقولو حقها العمل علاش ماتفرطش في حقها اللي راه تهدر عليه ليل ونهار في سبيل اصلاح المجتمع
ولا يعرفوا غير يتهموا الراجل ، الراجل وش بيدو يدير يقعد في الدار وهوما مالا اللي يديرو الديار ويروحو يخطبو ويصرفو عليهم
اسمحيلي اختي اذا هدرت بعصبية والله ماراني عليك بالصح موضوع عمل المرأة دارلي مرض الاعصاب من كتر التفلسيف اللي فيه