عندك عزومة عشاء، غذاء، لا تحتاري.. آجي نقولك

[حبييبة]

المشاركة الأصلية كتبت بواسطة جيجلية

اختي حبيبة شوفي كوزينتي عندها 9سنين ومازال كلش جديد انا ما حطيتش الموبل اللي يجي من فوق خفت من البخار يفسدهم ويزيدلي التعب في التنظيف

قوليلي لي زيليموا لازم فالكوزينة والا نقدرو نستغناو عليهم بالبلاكار على خاطر ما عنديش الغاشي غير انا وزوجي وحمايا

تبارك الله ماشاء الله
ربي يحفظك حبيبتي
مدى تنظيفك وإعتناءك بكوزينتك و بقاءها و كأنها جديدة
عنوان شخصيتك
بارك الله فيك
تحمري الوجه

حبيبتي أنتي و واش يريحك
البلاكارات مهمتهم تخزين أدوات و مواعين الكوزينة
أكثر من أنهم يزينوها

إذا راكي شايفة روحك مواعينك كثار و راكي محتاجة بلاكارات أكثر باش تقدري تخزنيهم قاع
ركبي بلاكارات جداد لكن بنفس النوع و اللون تاع اللي لتحت

وإذا راكي مرتاحة هاكدا بلا البلاكارات اللي لفوق و البلاكارات الجانبية راهي مريحاتك و لامتلك قاع اللي عندك
ممكن تستغني عليهم
و تزيني مكانهم بزينة بسيطة (ما تكتريش) و جميلة
ولا ديري رف لعلب البهارات
أو حطي عليه نباتات الزينة حجم صغير

(عندي ملاحظة الحبيبة و ما تزعفيش مني
شفت فالصورة السلة اللي تقطري فيها المواعين جنب الحوض
هاديك السلة لما تغسلي المواعين و ينشفوا و تزيدي تنشفيهم و تسرجيهم فالبلاكار
رفديها حطيها في مكان مخفي ولا ديريها فالبلاكار
ما تخلي والوا فوق البوتاجي
علا خاطر رايحة ترفد المكروبات
و رجعيها كلما حبيتي تغسلي المواعين و عاودي تاني رفديها

و الغدوة الصباح قبل ما تغسلي المواعين غسليها بالجافيل (عقميها) و ديريها فالشمس قد ما تنشف
و من بعد استعمليها)
(هذه معلومة أردت أن أوصلها كما وصلتني)

أرجو أنني أفدتك