اكشف عن جميع نقاط ولا تخجل ..

[بهاء الدين 93]

وآآو ما شاء الله اخي فاروق ، ربي يبارك ان شاء الله ،
...
...
تسلمنا بعض النقاط نهار اليوم ، البداية كانت مع الانجليزية ، الحمد لله اقتنعت ب 18 و ان كنت استحق اكثر ، الاستاذة دايرة سؤال على عبارة تقول مرادفها في الفقرة الثالثة ، قلبت عليها الدنيا ما لقيتهاش في الفقرة المذكورة ، و الاجابة كانت في الفقرة الثانية ، يسما ظالمتنا في نص نقطة قلتلها عليها بصح ما حبيتش نطلب اكثر ، بالاضافة الا انو الفقرة قالتلي في الباك يعطولك عليها 5/5 يلا درت وحدة مشابهة ،مي هي عطاتني 4.5 ، المهم انا اقتعت لانها في الفرض دارتلنا في سآعة نص و أسئلة و فقرة منحتني 3/5 و نقصتلي نص نقطة على الكتابة الرديئة و سوء التنظيم و عجبتها الفقرة بزاااف ،
الرياضيات كيما قالي 18.5 ، قعدت نتصور كون شفت الواحد لي نسيتو و ديت 20 ، ماعليش ،
التاريخ و الجغرافيا ديت 18 في الفرض و 17.5 في الاختبار بعد ما خلعني ب 16.5 ، نبهتو لخطأ و زاد للقسم كامل نقطة لانو رسم بيان تاع التصحيح النموذجي غلط، و بعد مفاوضات عسيرة قنعتو بلي الخطأ عندو مش عندنا ، +++ فرحت لانو صفحة كآآملة على نتائج الجنوح الى السلم على العالم عطاني عليها 0 ، و عندما سألته قالي خروج عن الموضوع ، حقيقة لا استهل 0 لكن فرحت باش المرة الجاية نحضر روحي مليح ،
اما استاذي العزيز في الادب ، فكنت متأكدا بعد التصحيح من ان لي علامة لم اتحصل عليها من قبل قط ، لكن كي عطاني لقيتها 15.5 و هو فرحآآآن بيا ، ألقيت نظرة خآطفة و شفت بلي تقدر ترجع 19.5 ههه،
رحت ليه ، اول ملاحظة عليها زوج نقاط ، خمم خمم مبعد بدل شويا سلم التنقيط و رجع عليها نقطة و الاخرى تولي نقطة تنظيم قالي والله ما تديها ،
قالي اول مرة و آخر مرة نمد 16.5 في الترمينال ، فاوضت شويا مبعد جلست و قعد يحكي على التزيار اللي يطبقو ، ما حبيتش نزيد نقولو على صورة بيانية دايرها و مش مذكورة في التصحيح النموذجي يمكن تقبلها ، خفت يلا كاش ما يقولي لأني شخصيا مش مصدق اني لحقت هاذي النقطة عندو خصوصا بالمقارنة مع نقاط البقية ،
المهم الحمد لله ، انخفضت النقاط نوعا ما لكن خرجت بمجموعة من العبر ، اتمنى ان لا تتكرر الاخطآء في المستقبل ،
بالتوفيق للجميع و عذرا على الاطالة،
سلاآآآم