صححلي افكاري او دعني اصحح افكارك

[عطر الملكة]

المشاركة الأصلية كتبت بواسطة matrix-dz

بالنسبة للأخت عطر الملكـة فأظن أنها تبالغ قليلا

نعم ربما هناكـ غربيـات "مستحونات" -من لفظ حيوانية- لكن لا ننسى أن هناكـ عربيات كذلكـ "مستحونات" حاشا المتربيات

المشكلة أكبر حينا ندركـ أن العربيات نورمالمو راهم في بلدان ذات دين و تقاليد محافظة
..

بالنسبـة لأخي حسين لا أملكـ تصحيحا لأفكاكـ ربما لأنها صحيحة برأيي

لالالا و الله ما هي قصة مبالغة
و انا اصلا لست ضد الزواج من الاجنبية نرجع و نقول كل واحد حر في اختياره
انما حرت في التفكير فقط
و ما نكذبوش على ارواحنا اغلب هذ الزيجات نتاع مصلحة من اجل الكواغط برك و المستوى المعيشي
و مع ذلك كاين حالات انو الشخص راح يدرس في بلد اجنبي و حب اجنبية نعطيك مثال عن احد اقاربي
راح يدرس تعرف على روسية و تزوج معها و طبعا دخلت في الاسلام
و جابها هنا مع الي جات كانت ما هي فاهمة والو
مي مع الوقت تعلمت كل ما هو عندنا من عادات و تقاليد
تطيب الكسكس كي النايليات و احسن
و قاعدة في البيت ........
ما اثار غرابتي هو الزواج من اجنبية من اجل المصلحة و في سبيل تحقيق هذه المصلحة لا يهم كثيرا شخصية هذه الاجنبية
و هذا ما حدث مع شخص موجود في محيطي في وحد الزمان راح ترك ام عيالو و عيالو للشر تزوج مع اجنبية زواج مصلحة
و مرت سنوات اثمرت على انجاب بنت البنت حاليا كبرت و تربات على عقلية امها مجرد ما لحقت 18 اسست حياتها لوحدها
و هو رجع هنا عاود الزواج مع بنت البلاد
كاين و كاين حالات نسبية
لكن صدقني اغلبها زيجات مصلحة