يا جماعة الخير خلونا نكونو واقعيين ونقولو كلمة حق ...كلنا رجعنا نفهمو فالسياسة و كل واحد فينا يعطي راي على حساب وجهة النظر تاعو و الظروف اللي راه يمر بيها فمثلا لو اننا نلقاو واحد بطال ضربوه الحيوط يرد اللوم فالدولة شعبا و حكومة و لو انو يلقى وظيفة مرموقة و منصب عالي صدقوني راح يشكر النظام و يكون من اول المؤيدين له ويدير كيما راهم يديرو قع المسؤولين الجزايريين اللي يمشيو بعقلية المومن يبدا بروحو ....
لا علينا و باش ما نخرجوش على الموضوع و لوكان تلقو نظرة صغيرة على المبلغ الخيالي اللي صرفاتو الدولة الجزائرية في عهدة الرئيس عبد العزيز بوتفليقة من اجل التنمية المحلية يعادل ميزانية 20 دولة افريقية لمدة 10 سنوات ...لكن على ارض الواقع لا تنمية لا فرص عمل لا سكن و تدهور مستمر للمستوى المعيشي للطبقات المتوسطة و الفقيرة و هذا ليس سببه فخامة الرئيس الذي افرج عن هذه الميزانية الضخمة لصالح المواطن و انما مسؤولينا و اصحاب الشكارة الذين اتو على الاخظر و اليابس و نهبوا الثروات و العقارات و البنوك و.....و.....و...... بفففففف و لوكان نلقيو نظرة على اعضاء البرلمان فحدث ولا حرج فلاهم يهتمون بمشاكل الشعب و انشغالاته ولكن يعرفو غير يديرو اضرابات باش يزيدولهم فالراتب اللي ماراهش عاجبهم راه حاليا 44 مليون و سكن مرموق و سيارة و سلاح و حصانة برلمانية هاذ الشؤ كامل ما كفاهمش فالرئيس عبد العزيز بوتفليقة ماراحش يقدر يعس هاذ الذئاب البشرية الللي ما تخافش ربي و كلات رزق الشعب
الشكر كل الشكر لفخامة الرئيس على مجهوداته الجبارة هذه وجهة نظري و لمن لديه راي مخالف فليتفضل
( تقرير عن مشاركة سيئة )، و الموجودة أسفل كل مشاركة .
2011-11-27, 13:49
العرض الشجري