لم أكن لأتحدّث عن الزواج لو لم أسمع هده الفاجعة

[عطر الملكة]

شكرا اخي الكريم
شوف اسباب الطلاق قد تكون الاسباب التي ذكرتها و ذكرها الاخوة الاعضاء
و قد تكون نتيجة سوء الحظ و المكتوب
شوف لا يوجد سبب قوي للطلاق اكثر من تعدد الزوجات و مع ذلك ناس زمان كان الرجل يتزوج حتى اربع نساء بمنطقتنا و يعيشو كامل في دار وحدة و تكبر العائلة مع بعض بمعدل من 15 ل 20 فرد بما فيها الاسلاف و السلفات في بيت واحد و مع ذلك كانت الناس عايشة في رحمة ربي عمرك ما تسمع كلمة طلاق حتى ان الزوجات الصغيرات يطيعو الزوجة الأولى و الله لم يموت الزوج يبقاو حازنين عليه لاخر لعمر
اليوم الزوجة تسكن وحدها لا كثر عوايل كي بكري لا والو و كل شي تتحصل عليه بكبسة زر يكون جاهز حتى في المطبخ و اعمال البيت لا يوجد تعب مثل زمان
و مع ذلك كل شي سامط لا طعم لا بنة ربي نزع البركة من جيل هذ الزمن كل شي متوفر بلا طعم
عندي قريبتي طال انتظارها و لم تخطب حتى جا وحد السيد خطبها عن طريق احد الجيران لا تعرفه ولا يعرفها زواج تقليدي مائة بالمائة ايا السيد قاللهم راني زوالي و ساعدوني و لان اهل البنت يريدون الستر و العافية لم يحددو مهر تركوه لمقدور العريس
تخيل سكنوه عندهم و دا رو لعرس عندهم هو خلاف 8 مليون نتاع المهر ما زاد والو مصاريف العرس غرفة النوم
تخيل ما شفت يوم طيب معاه و بعد 3 اشهر لحقوا لمرحلة غريبة
تخيل طوال 3 اشهر السيد لا خدمة لا مصروف و كبرت المشاكل اخر شي تخيل واش ولى يقول لو دريت الامر هاك كان تزوجت معلمة او موظفة يعني السيد من الاول داخل على طمع و اخر شي بعد ايام سوداء السيدة طلبت خلع عطاتو دراهم مقابل حريتها واش تميز في هذ النموذج ؟؟؟

بما يفيد ان الرجال عديمي المسؤلية اصبحوا منتشرين بشكل ملفت
ربي يستر زمان عجب

و بالمناسبة عندي سؤال ليك و للاعضاء

الا ترون ان تعديلات قانون الاسرة كان لها اثر كبير في زيادة نسبة الطلاق و زيادة نسبة الزواج العرفي ؟؟؟