عزوف الشباب عن الخدمة الوطنية

[العنبلي الأصيل]

المشاركة الأصلية كتبت بواسطة سامية الشاوية

السلام عليكم
اسمحولي في واش راح نقول وميش تقليل ليكم
بارك الله فيك اختي اكرام على كلامك الموزون والصواب
هذا الموضوع تم مناقشته في هذا المنتدى من قبل وطلعولي السكر فيه

خدمة الجزائر من المفروض بلا مقابل وبلا تذمر
تخدمها بغض النظر على ماقدمته او لم تقدمه
اعتبرها امك او ابوك مقدمولك حتى حاجة طبشهم وتقول مادارولي والوا ؟

https://www.djelfa.info/vb/showthread...53#post3722453

لوكان تعقبيها ماشي غير السكر يطلعلك.....ياو السكر والدم والكوليسترول ويتطرطقلك عرق في راسك وتكوني مليحة اذا رجعوك لداركم مجمولة -ما شي مورسوات-
يقولو عندنا : الراكب يقول..... سيروا

ويقولوا:
أنا نقولو عتروس ...وهو يقولي أحلب أحلب
ونعاودهالكم
ما يحس بالجمرة غير لي كواتو
كي يعطولك "والو" تنقي بيه التواليت ....وكي تلقطي البرايد من ساحة العلم ....وكي تباتي في القاريطة في ديسمبر في الليل-جماعة الجلفة والبيض-....وكي يديرولك تجمع -نتاع زكارة- في القايلة في الساحة-جماعة بشار ومثايلها-....وكي تسمعي هذوك السبّات والتطياحات نتاوع الفطور.... وكي تخدمي في "الكرفي" ....وكي " وكي تعقبي العيد تغسلي في البلاوات....وكي تديري "بولازيرو"وتدخلي للحبس -والقملة كي الفكرون- ....وكي تباتي في جبال تيزي -الباطايون- معلقة في شجرة-التواليت وممنوعة- ....وكي تتعلمي وتوالفي تدسي الخبز -بالاك تحتاجيه بعد 4 ايام ولا 5... وكي ...وكي...وكي...ارواحي ساعتها وداوسينا على الخدمة !!!!
اييييييييييييييييييييييه .واش نحكيلكم!!!!!!!

ياو اخطونا من الحديث وما تفكروناشالله لا يشوفكم فيها.
قالك :لوكان هو يحرث ما يبيعوه
لوكان فيها الفايدة ما يفرضوهاش على الجميع....1
علاه ما يفرضوش علينا التوظيف!!! ولا السكن!!!
--------------
1- الجميع : بالمعنى العام واقصد الاغلبية ...مع وجود استثناءات.