هل انا على خطا,,,,,,,,,,,,,,,

[عطر الملكة]

السلام عليكم و رحمة الله تعالى و بركاته
اختي هذه نصيحة اخت لآخت و قال سال مجرب
انا وحدة من الناس ضد الرشوة كي يكون مرتبي في هذاك المنصب بالدولار فلن ابيع رضى ربي بحفنة دراهم لا خير فيها ولا بركة سبحان الله الواحد اذا بدى حياتو من اولها بالحرام خلاص يتعود عليه و ينجر في طريقه و الحمد لله انكي و عائلتك الطيبة ضد هذ الأمر
اما عن المعريفة واش نقلك اختي ننصحك تصبري شويا بلاك ربي يفرج من حيث لا تدري
تعرفي انا تخرجت من 2003 !!!!!!!!!!!!!!!!!!!!!!!!!!!!!!!
و كنت مثلك يجن جنوني كي يذكرو قدامي الواسطة و الرشوة رغم انو المعارف كاينين و الحمد لله لكن ان ضدهم تماما و نقلك حاجة بيني و بينك ما نحب نذل روحي لحتى واحد ما نحب واحد يدير فيا مزية و بلا ما نحكيلك على مسلسل الدوسيات و المسابقات
و بالزهر تحصلت على منصب عقود ما قبل التبهديل في وحد المتوسطة ايا سي بون و في نفس الوقت كنت عاملة شراكة انا و حد البنت في وحد البروجي صغير و من بعد البنت تزوجت و البروجي تسكر
و حاليا راني نتربص في مهنة المحاماة بعد ما ضاع حلم الوظيفة المستقرة و ربي يفرج علينا و عليك
و نصيحة اخرى اذا بانلك زواج غير روحي تزوجي الله يلعن وظائفهم المغمسة بالحرام

اسكتي راه القلب معمر موضوعك فتح جروح كبيرة و عميقة

ربي يسلك الواحلين
اطلب من الاعضاء ان يدعو لك في هذه الايا م الطيبة المباركة