اقتباس:
المشاركة الأصلية كتبت بواسطة حمامة السلام48
الله يهدينا قاع
ماكانش منها تقرى وتقعد عند الحيط هذا مستحيل لان علوم المادة هي علوم دقيقة وقادرين نديروا بها واش نحبو سيرتو بالكيمياء قاع المؤسسات تحتاج للكيميائيين سوا في سوناطراك دابوغ سوا في المصانع تاع لي برودوي شيميك ولا في لافارماسي وحتى في المستشفيات وكاين بزاف وحتى بالفيزياء قادرين تخرجوا باحثين كيما بوناطيرو بالاك تسمعو به اللي هو فيزيائي فلكي تنبا بالغيب وقال بلي غادي يضرب تسونامي في بلدان المتوسط يبلغ ارتفاعه 10 امتار ولا قادرين تخرجو كثر من داك الشي لا خاطر حنايا الطلبة الجدد تاع الاصلاح والجزائر جامي تدير تخصص في الجامعات ما لهش مستقبل للطلبة
وكاين حاجة وحدة اخرى الطلبة اللي جايتهم القرايا صعيبة وماهمش باغيين يقراوها بسيف عليهم هوما اللي ما همش حاطين ريسانهم في القرايا عنبالهم بالرقاد يبلعو العام ويدخلو مجال الشغل
نعرف شحال من وحيد تخرجو غير بالماستر في علوم المادة ودخلوا للشغل مباشرة لا خاطر الخدمى تمشي كيما قلتلكم في كل بلاصة وبالماستر قادرين تديرو كلش ماعندهم ما يحلو فامهم ادنى حاجة طايحة في الماستر لهذا التخصص قادرين تديرو استاذ جامعي للتيدي برك ماشي الكوغ لخاطر استاذ الكوغ لازم الدكتورا
والبلادات تاع الخارج تلقاوهم مهتمين بزاف بهذه التخصصات لا خاطر هي الصح
نقول ونعاود ما تديروش على الهدرة الزايدة القرايا كيما كاينة تاني الخدمة كاينة
وهدو الطلبة الجدد نوصيهم غير برك يحطو ريسانهم في القرايا برك لان العام بلخف يكمل وكاين بزاف سوالح شابين في هذه القرايا
انا طالبة شعبة علوم المادة انتقلت الى السنة الثانية والحمد لله
عجبتني بزاف وحابا نكمل فيها لاخاطر مانلقاش كيما هي
صح نهار الاول كانت تبانلي واعرة كيما سمعت بصح غير بدينا كلشي تبدل وخصوصا انها بالفرنسية وهذا مايخوفكمش لان الفرنسية ما فيها حتى حاجة تخوف ومع الوقت تولوا تاكلو فيها حتى تنخلعو في رواحكم
كانوا معايا طلبة مايعرفوش خلاص حتى ولاو مع الاخير يتفننوا فيها سبحان مغير الاحوال
وزيادة على ذلك كاين موديل تقراوه سموه لا لونغ هو اللي تترجموا فيه بالعربية مثلا الكلمات اللي غادي تصيبوها في تمارينات الفيزياء والكيمياء الرياضيات والاسئلة تولوا تفهموها بلخف
المهم راني طولت بزاف والقلم تاعي راه حاب يكتب بزاف بصح لازم نحبسه عند حده ههه ولا لا؟؟ههه
ماتديروش على الهدرة اهتموا بدراستكم وسطروا هدف من الان ونتمناليكم تنجحوا بزاف
شعبة علوم المادة ==================================== المستقبل امامك
صح رمضانكم
|
كلام منطقي +بعض الناس يحولون فشلهم الى ياس و يلقون اللوم على الشعبة لا على انفسهم
اختي هل تدرسين في باب الزوار ممكن تقولينا هل درست مثلما درست للباك باش جبتي العام
( تقرير عن مشاركة سيئة )، و الموجودة أسفل كل مشاركة .
2011-08-13, 16:05
العرض الشجري