سجل مواقفنا الطريفة والمضحكة...!!!؟؟؟

[« أبْجَدِيَّاتْ »]

المشاركة الأصلية كتبت بواسطة SOMIA38

....هههههه....نستعرف بيه خالك......
....مشكورة خيتو أبجديات أسعدني مرورك العطر...

....والله غير فكرتيني ....فعلا الدودانات عندهم حكيات مع الجزائريين....!!؟؟

...يومين قبل هذا رمضان خرجت أنا وأختي صغيرة عليا مع خويا ندورو في البلاد واحنا في الطريق قدامنا دودانة كبيرة...
...اختي سقسات خويا علا يديرو الدودانة واش فايدتها ؟؟؟؟...
...قالها باش تنقص حوادث السير..!!... واذا ما نقصت السرعة غادي نطير فوق اللوطو اللي قدامي.....و...و..و...محاضرة طويله....

...المهم كملنا دورتنا ورجعنا من نفس الطريق وخويا كان زايد السرعة راكي تعرفي....وحنا نهدروا ونضحكوا ....

...وعند نفس الدودانا تع الدرس السابق ....قال خويا...ايا دودانا ونقص السرعة !!!....شوفي حالتنا في 3 طلعنا الفوق أنا وخويا ما صرالنا والو MAIS اختي مسكينة طويلة علينا راسها خبط الفوق...هههههه....

...قالها خويا ما عليش باش ماتنسايش المحاضرة تع الدودانا....!!
.
.
...تحياااااااااتي.......

هههههه

.. هاذا هو زعما اللي كان يشرحلكم في الدرس و يعاود

مع اللخر فجّخها مسكينة

فكرتيني بحكاية اخرى صراتلي مع بنت خالتي

مرة ركبنا مع خوها في Kangoo Express

وفي الداخل ما كانش الحاجز اللي يفصل بيننا وبين مقاعد القدام

وما كانش ثاني وين نحكمو ( أونكا و ديرابي بينا الطوموبيل )

و ولد خالتي يدير لافيتاس بزاف (140 كي والو)

عيينا فيه نقّص.. الطريق مش مليحة

يا سيدي غير خاف عللى روحك.. ما حبش !

ديناها الطريق كاملة و حنا حاكمين قلوبنا ..( غير نشهدو و نستغفرو ههههه

ومن بعيد كان باراج .. ما تولّهلوش

مع يوصل ليه يفريني Sec

( غباَّرة كحلة طلعت )

و تخرجلو بنت خالتي على الباربريز .. ( BOM )

عينيها دخلو في بعضاهم هههههه

مساكن الجادارمية للي كانو قدامنا خلعو كي شافوها هاكذاك

ما لقاو وش يقولو لولد خالتي .. تشوكاو في عمارهم

و انا راني ميتة بالضحك عليهم

وبنت خالتي والله ما علابالها.. ناضت و قعدت قدامي و كملت ضحكت.. عاااااادي




و طبعاً نحاَّو لولد خالتي مباعد البارمي و ولينا احنا في سين و جيم وكيفاه وعلاه

لولا بعض أصحاب الخير للي سلكونا ( المعريفة احم

وفي الأخير رجعنا للبيت سالمين غانمين

مع فاصمة بطول متر على وجه بنت خالتي