رمضان كريم
ياااااااااا جماعة الخير
انا وضعت موضوع كيما هادا ليس للتفلسف او مضيعة الوقت او للتحدث في اعراض الناس لاا حاشة لله كل وحدة هنايا راهي تعرف روحها وعندها والديها يحكمو فيها وهوما مربيينها احسن تربية وحاطين فيها ثقة ....
_____________
المهم ندخل فالموضوع
بزاف ناس هنايا راني نشوف فيهم مافهموش واش راني نقول وما الهدف من هاذا الموضوع ؟؟؟
انا دوك نفهمكم مليح .... شوفو بالنسبة للفتاة وعلاش دينا الفتاة على وجه الخصوص ؟؟؟ لانها هي الخاسر الوحيد في هذه اللعبة يعني الفتى وش رح يخسر كي يمد رقم الهاتف تاعو او صورته ؟؟؟ طبعا والووووو اما الفتاة .................طبعا راهي رح تخسر وتخسر بزاف
مارانيش نقوللكم اللي مسجلين فالفيس ماراهمش متربيين او .. او.. او...
ومارانيش نقول ماتكونكتوش فيسبوك انا مارانيش داعية او امام راني نوضحلكم صورة برك بزااااااااااف بنات تغاضاو عليها وهي الصداقة والكلام الفارغ بين الفتى والفتاة عبر الفيس فهذا الشئ والله والله يا بنات غير يطيحلكم من كرامتكم ويشوه الصورة تاعكم في عيون المجتمع مارانيش نجيب من عندي الهدرة هادي ....
راني حابة نعرف نظرة الشاب الى الفتاة لي تكونكتي فيس برك؟؟ ونتوما لبنات راني نشوف فيكم بالخف زعفتو وقلبتوها بلي انا راني كونتر عليكم ... انا نقوللكم حاجة وحدة برك .... كل وحدة حرة في روحها تكونكتي ماتكونكتيش فيس ربي يسهل على كل مؤمن
ونصيحة لي يكونكتو فيس ماتكتروش ليزامي لي ماتعرفوهمش ماتاكسيبتيوهمش
اتمنى ان تقبلوا مشاركاتي واذا ما قبلتوهاش تااااااااني ربي يسهل شكرااا
انا مااني خاسرة والو راني نكتب في موضوع كيما هاكدا يعني ترجعولي ردود شتم او استفزاز نورمال المهم انا راني عارفة روحي مارانيش ندير في حاجة غالطة وخارجة على الطريق
المهم نصحتكم ونتوما راكم كبار وتعرفو صلاحكم لكن ديرو في بالكم المجتمع لا يرحم
والبنت كي عود الثقاب اذا شعلت مرة ماتشعلش مرة اخرى
بالنسبة للمعارضين على هذا الموضوع نقوللهم ربي يهديكم
صحة فطوركم كاااااااااامل والمعارضين نقوللهم صحة فطوركم 2 مرات
( تقرير عن مشاركة سيئة )، و الموجودة أسفل كل مشاركة .
2011-08-04, 12:02
العرض الشجري