حنا ناكلو البربوشة{ الكسكسي تقولو نتوما} تاع الدار..نفتلوا مرة ولا زوج في العام, ماما تفتل و حنا نعاونوها..ماشي مانديرو والو مي نحاولو نفتلو..البربوشة صعيبة لراك تحسب فيها ساهلة, خاصة الرقيقة..و الأمهات ديما يحبوها قدقد, علا بيها يديروها هوما, و تلقا الأغلبية كيما هك...المهم البربوشة لا استغناء عنها, و إذا استلزم الأمر نشريها..
واش نحب نقلك تاني...راك تشوف فالغلا تاع السلعة, مانعرف وين رايحة الحالة, المهم الدقيق غالي و ماجاوره, ماجاوره هو كي تحب دير التويزة مثلا يعني تلم النسا و تفتل خاصة الللي يفتل البربوشة للعام, يستقاملك ماعلاباليش بشحال, أضف إلى ذلك أنو ماكانش غير البربوشة في الدنيا, الأولاد يقراو, اللبسة, الماكلة, الطبيب.....الخ..يعني أنا مانستغناش على البربوشة تاع الدار, لاخاطر لا تعوض مي في وقتنا الحالي تاع الشرا خير إذا استلزم الأمر, الحالة ماراهيش رايحة تحبس هنا, على حساب الشوفة الغلا راهو مادي الطريق و ماحبش ينقص شوي فالفيتاس ولا يحبس, مانلومش اللي يشريوها, المهم كل واحد راهو عالم باللي يخرج عليه..
موضوعك مليح بزاف, يعطيك الصح..
( تقرير عن مشاركة سيئة )، و الموجودة أسفل كل مشاركة .
2008-12-30, 19:13
العرض الشجري