الفرق بين المسلسل التركي و الأمريكي و المصري و الجزايري

[رحيق العفة]

الســـــــــــــــــ لام عليكم و رحمة الله وبركاته



وش راكم شوي مع العطلة ؟




ما علينا موضوعي الخطرة هادي عالمسلسلات التلفيزيونية
نبداو بالتركية اللي راهي مهبلة 15 مليون امرأة جزائرية بيان سـuـر مرانيش منهم



الفيلم التركي
_المشهد الاول _



** تعريف سع: هي هاداك الزين تقول للشمس طلي ولا نطل ديما مبتسمة ديما باهية ديما معدولة تهدر بلعقل صوتها بالسيف ما تسمعو
هو ديما هدرتو حلوة ديما معدول ديما كلمة حبيبتي في فمو **



هو :صباح الخير حبيبتي نمتي منيح ؟
هي: ليك يسعدلي هالوش تعبانة شوي بس لما شفتك صرت منيحة
هو : يالا بسرعة خلينا نطلع نفطر برا قبل ما يفيقو لولاد حابب اتمشا معك شوي



_ ولادهم نايمين كي الملايكة الشعر رطب متسبسب عالمخدة البيت فيها تصاور ميكي تقول نولد 10 منهم ـ



هي: يالا بجيب شنتايتي وايجي .....<<



( فهاديك الدقيقة تروح تضرب تبييشة ما صراتش الريحة الله الله حنا نعودو فالدار نشمو فيها و هاداك الستيييييييل يا بابا من الغيرة راح يحبس قلبي)



يروحو يتمشاو يا عيني ومبعد يدخلو هاداك المقهى اللي يقعدو فيه
مليح العبد ينحي صباطو فالباب و يدخل
<<<<< luxe ما صراش و خلاص يخليولك الابتسامة في وجهك مع هموم الدنيا




الفيلم المصري
صح بكري كانو انا اجوزت و طلقنيييييييييييييييييي و كي تخلص الفيلم اشرب حبة دوا تاع الراس من العياطات تاعهم بصح ضرك وولاو يديرو حوايج روعة كيما بدل فاقد و ولاد العم .. و بزاف حوايج شابين



نروحو لل séries تاع الغرب



اكشن و قتيلة يا محاينك
هادوك ال
csi :ny w miami w las vigas
مشاولي فالدم
يجيبلك شعرة و يقصها و ينتفها و يحللها و يهدرو بالكيمياء و ما نعرف وشيه
و يحلل البصمة بالطول و بالعرض راسك يحبس يدهشوك بالتكنولوجيا
تنوض تقول اليوم نقتل عبد ما فيهاش



ايا جاتكم السيينما الجزائرية



المشهد الاول
(تعريف : هي معصبة راسها لابس 3 قنادر فوق بعضاهم و جيلي مشنفة الحواجب تقرنو في بعضاهم من الضحكة اللي راحت هادي مدة ريحة البصلة من بلاصتك تشمهاا
هو سروال جدي تاع بكررررررري مالغري رانا فال 2011 ثلاثة كيلو قماش فوق راسو الشلاغم واصلين مع لحيتو تشوفو تهز بشماقك و تفحت )



بداية المشهد:



هي : مشنفة عليه ما تشوفش مام با في وجهو يا راجل وينو الخبز ؟جبت البصلة ؟
هو : علاه جبتلك كيلو المرة الي فاتت كليتيه ولا مدتيه لمك
هي : ولادك وجوه الميزيرية كلاوها بالخبز
هو : ارواح يا ولد الله لا يتربحك اخرج عليا كرهت حياتي منكم






الميزيرية و الهم تنوض من هااداك المسلسل عندك فكرة انتحارية