2 مليون سنتيم هل تكفي؟؟؟؟؟؟

[نسائم الهدى]

المشاركة الأصلية كتبت بواسطة wassila21

إذا كانت المرأة تعرف تتصرف و يدها ماشي كبيرة كيما نقولو، زوج ملاين راح تكفي بإذن الله، و ألي قالو التريسيتي و الماء، ياك راهم كل 3 شهور؟؟؟؟، كي يخبي الواحد كل شهر 200ألف ماراحش يحسلهم . والدتي بمليون راهي تصرف على 5 أشخاص و معيشتنا في خير ربي الحمد لله،

أنا راح نعرس إن شاء الله، و خطيبي كي جاء خطبني كان بلا عمل هذاك وين تخرج من الجامعة، قالي إذا ما خدمتش راكي عايشة معانا كيما كانت عايشة معانا أختي، و الحمد لله تم كلش على خير و درك راه خدام، و الصداق كان من عنده هو مدلي على مقدوره ماشرطناش لا ذهب و لا هم يحزنون إلا خاتم الخطبة و 10ملاين منهم الذهب و القش و العرس ، عائلتي شبعو عليا ضحك كي مادارليش الذهب.
و الآن خرجنا مشكل آخر من جانفي و لحد الساعة ماكاش الشهرية، يتسمى رانا رايحين نتزوجو على الله :d، مانشكرش روحي و لكن الحمد لله مارانيش من النوع ألي يطلب الدراهم دايما و كي نشوف حاجة لازم نشريها، حتى كي نتشهى حاجة نخمم مية مرة قبل مانشريها و نقول كاين حاجة أولى من هذه.

ربي يهدي بناتنا و يهدي مواليهم و لازم حنا نبدلو هذه العادات ألي راهي تضر أكثر من تنفع، الله يجعل الخير

بارك الله فيك اختي وسيلة
وما تخميش حنونة كيما نقول أنا داااااائما
للكعبة رب يحميها
والعبد في التفكير والرب في التدبير
والمهم الستر حنونة
ولازم تكوني معاه في المرة قبل الحلوة
هذا هو الزواج لازم تقسمي معاه الربح والخسارة
ما تكونيش كيف اللي تقسم مع زوجها الربح وتخلي الخسارة عليه يتحملها وحدوا
ربي يهنيكم ويوفقكم عزيزتي
ربي يجيب الخير
والسلااااااااااااااااااااااااااااااااام عليكم