صابلي

[طالبة رضى الله]

المشاركة الأصلية كتبت بواسطة ou ss ama

شكرا على الرد اختي اعطيك الوصفة لي درتها بحدافيرها والله شاهد على ما اقول اولا اخدمي زبدة لابال جامدة جيدا قطعيها بالموس ومبعد امحقيها بيدك مليح مليح ومبعد ضفي 2كسان سكر رطب الكاس تاع القازوز ..........6 بعشرلاف.........ههههههه.......انا كيلت بيه واخدمي جيدا حتىتصبح كالمرهم +مستخلص لفاني انا درت العلبة كاملة لاني نحب ريحتها بزاف ثم ضفي البيض 4صفار و2بيض كاملين واخدميهم حتى يعودو ميبانوش ويولي الخليط مرهم مرة اخرى + كاس نشاء اي 200غ بالضبط ثم سيري شوية فارينة وضفي الخميرة 2 ونشفي بالفارينة ولازم تكون العجينة طرية وغطيها بكيس بلاستيكي يكون ابيض اوشفاف وخليها ترتاح شوية ومبعد افتحيها بالرولو سمك يكون مليح شوية ماهو رقيق ماهو خشين واطبعي بالطابع الدائري درجة الحرارة درت 160 اما المدة مشفيتش نخدم ونعس حتى نشوفو طاب نحيه لصقيه بمربى لفراز وضفتلو شوية صبغة حمرا نتمنى يكون الشرح كافي ووافي وصدقيني جا بنين بزاف خاصة لما طيبيه مليح وشكرا

مرسي عليك حنونة على الوصفة
حبيت نسقسيك برك على الزبدة شحال درتي...
عجبتني هادي 6بعشرالاف....كيما حنا كامل كيفكيف
ههههههه
بارك الله فيك